سماح أنور بعد حذف مشاهدها في فيلم يوم للستات: لا يمكن أشتغل مع المخرجة كاملة أبو ذكري تاني
كشفت الفنانة سماح أنور، إمكانية تعاونها مع المخرجة كاملة أبو ذكري من جديد، وذلك بعد حذف مشاهدها في فيلم يوم للستات.
وقالت سماح أنور، في تصريحات تلفزيونية: الموضوع قديم والكلام فيه كتير بدون داعي وده بالنسبة ليا مجرد فيلم، وهو أتفه من أني أرد عليه وخد أكبر من حجمه بكتير، أنا مخسرتش حاجة، ولا يمكن أشتغل معاها تاني.
سماح أنور: الرجال لا يكتفون بامرأة
وعلى جانب آخر، سبق كشفت الفنانة سماح أنور، عن رأيها في فيلم امرأة واحدة لا تكفي، موضحة أن معظم الرجال لا يكتفون بـ امرأة واحدة على الأغلب، حيث قالت في تصريحات إذاعية: امرأة واحدة لا تكفي لمعظم الرجال، لأن الإنسان بطبعه بيمل والراجل بطبعه ملول جسديًا وكمان على المستوى النفسي والعصبي مش عايز يسمع كلام كتير وأي ست بتتكلم كتير، والست لما بتتضايق مبتعرفش تقول اللي مضايقها على طول، وبالنسبة للراجل متكلميهوش بلوم وعتاب وفي نفس الوقت هيعملك اللي أنتي عايزاه.
كما وجهت سماح أنور نصائح للسيدات، قائلة: الست متعرفش تبقى ست من غير عطاء، هي اللي بتعمل كل حاجة، والراجل لو اديتي له مفتاح العلاقة هيدمرها، الست اللي عايزة الراجل فعلًا لازم تبقى محتوياه.
