مشرف أمن الملهي بمشاجرة عصام صاصا: مدير أعماله جاب ناس ضربوا زميلي بسبب التفتيش| خاص

كشفت التحقيقات في القضية رقم 11501 جنح قسم دار السلام والمتهم فيها مطرب المهرجانات عصام صاصا ومدير أعماله وآخرين، بوقوع مشاجرة داخل ملهى ليلي بالمعادي مع عدد من أفراد أمن شركة حراسات خاصة بسبب التفتيش، ما أسفر عن إصابة عدة أشخاص.

أقوال مشرف أمن الملهي الليلي بمشاجرة عصام صاصا 

وينفرد القاهرة 24 بنشر نص التحقيقات واعترافات المتهمين في القضية، بعد استجواب مشرف أمن بشركة حراسات خاصة المسؤول عن تأمين الملهي الليلي بالمعادي.

وقال مشرف الأمن فادي. و، أمام جهات التحقيق في واقعة مشاجرة عصام صاصا مع أفراد الأمن المسؤولين عن تأمين المركب النيلي الواقع به الملهي الليلي بالمعادي بسؤاله عن أقواله في أنه متهم باستعراض القوة والتلويح بالعنف بقصد بث الرعب في نفوس المواطنين بقصد فرض السيطرة وتكدير أمنهم وسلامتهم وكان من شأن ذلك بث الرعب في نفوسهم وتعريض أمنهم وسلامتهم للخطر علي النحو المبين بالأوراق أجاب: محصلش.

س: ما قولك فيما هو منسوب اليك من انك متهم بالاشتراك مع آخرين في تعمد تعطيل حركة المرور- وذلك على النحو المبين بالأوراق؟
ج: محصلش

س: ما قولك فيما هو منسوب اليك من انك متهم بإتلاف السيارة قيادة المدعو عصام عصام - وذلك على النحو المبين بالأوراق؟
ج: محصلش.
 

اعترافات فرد أمن ملهى ليلي متهم في مشاجرة عصام صاصا: المطرب جاب ناس ضربوني لاعتراضه على التفتيش | انفراد

قالي الحقني فيه ناس كسرولي العربية.. اعترافات مدير أعمال عصام صاصا في مشاجرة ملهى ليلي بالمعادي| انفراد

س: ما هي ظروف ضبطك وعرضك علينا الآن؟

ج: اللي حصل إني كنت بقفل المرتبات لأفراد الأمن في المركب للساعة 5 الصبح ولقيت عصام صاصا نازل هو ومراته من البوابة الرئيسية من النايل بوينت وكان معاهم السواق ومعاهم مدير أعمال عصام صاصا ومكانوش عاوزين يتفتشوا وحصل مشكلة ما بينهم وما بين فرد أمن وحجزنا ما بينهم والموضوع خلص.. وبعد الحفلة مدير أعماله جاب أكثر من حد واتلموا على فرد الأمن وضربوه بأسلحة بيضاء- كذالك- على جسمه وجريوا وإحنا طلعنا نجري وراهم وملحقناهمش وبعد كده اخدت فرد الأمن وطلعت بيه على المستشفى ولما رحت هناك الأمن طلب مني أروح معاه على القسم علشان أشهد على اللي حصل وبعدين جابوني النهارده على النيابة وده كل اللي حصل.

س: متى وأين حدث ذلك؟
ج: الكلام ده حصل يوم 7/10/2025 الساعة 6:15 الصبح تقريبًا عند مركب النايل بوينت عند كورنيش المعادي.
س: ما مناسبة وجودك بالمكان والزمان سالفي الذكر؟
ج: أنا شغال هناك
س: ومن كان برفقتك آنذاك؟
ج: كنت مع زمايلي اللي شغالين معايا هناك.
س: وما هي علاقتك بباقي المتهمين؟
ج: هو الطرف الأول كله زمايلي ومعايا في الشغل والطرف الثاني مفيش علاقة ما بيني وما بينهم.

س: هل توجد  خلافات بينك وبين سالفي الذكر؟
ج: لا
س: هل تم ضبطك في قضايا مماثلة من قبل؟
ج: لا