مصطفى حلمي: مي فاروق تستاهل النجاح.. ومفيش منافسة بينها وبين سوما وريهام عبد الحكيم
تحدث المايسترو مصطفى حلمي، عن الفنانة مي فاروق، التي أحيا لها العديد من الحفلات معربًا عن سعادته الكبيرة بنجاح ألبومها الجديد “تاريخي”، مؤكدًا أنه لا توجد منافسة بينها وبين زوجته المطربة سوما، والمطربة ريهام عبد الحكيم.
وقال مصطفى حلمي، في لقائه مع القاهرة 24: مي فاروق فنانة كبيرة وتستاهل النجاح ده ولسه مستنيين أكتر من كده بكتير، وهي صوت عظيم وإحنا بنفتخر أن موجود صوت مصري بالإمكانيات دي، وإن شاء الله اللي جاي هيكون أحلى كتير.
وتابع مصطفى حلمي: الحقيقة مي فاروق سمعناها في التراث وكنت محظوظ بإحياء حفلات كتير لـ مي، وتوقعي أن أي حاجة مي هتقولها هتبقى حلوة جدًا لأنها سامعة أعمال كتير وحافظة كتير، المقامات في صوتها وودانها صح جدًا، والنهاردة أي عمل هتقدمه هنستمتع بيه كفنانين قبل الجمهور.
أما عن المنافسة بين مي فاروق، وزوجته المطربة سوما، والمطربة ريهام عبد الحكيم، فعلق المايسترو مصطفى حلمي: معتقدش أن دي منافسة، لأن أنا شايف أن هما الـ 3 ألوان مختلفة جدًا زي الفاكهة كل واحدة ليها طعم، وشايف أن ده نجاح لمصر أن عندها أصوات بالقيمة وفنانين بالحجم ده.
