سياسة الشركة تسمح بـ سرقة التجار.. مسؤول إدارة حسابات بائعي أمازون: سنلجأ للقضاء | خاص
استغاثت مجموعة كبيرة من بائعي أمازون بعد حجز الشركة على بضائعهم وتجميد حساباتهم بالإضافة لعدم استجابة الدعم الفني لشكواهم خلال فترة طويلة من تقديم الشكاوى وتعاملهم بسلبية وتعنت شديد ومخالفة السياسات، بجانب استيائهم من قواعد استرجاع أمازون التي لا تحمي حقوق البائعين من نصب المستهلكين.
سياسة الشركة تسمح بـ سرقة التجار
وقال مسؤول إدارة حسابات تجار أمازون في تصريحات خاصة لـ القاهرة 24: مشاكل التجار مع أمازون والحقيقة اللي محدش بيتكلم عنها، فيه مئات التجار في مصر ليهم فلوس ضخمة محجوزة عند أمازون.. مبالغ بتوصل لربع ونص مليون جنيه أو أكتر، واللي حصل معاهم مش حالة فردية، دي بقت ظاهرة.
وتابع: السبب الرئيسي هي السياسات المتغيرة واللي ملهاش تفسير واضح، أمازون بقت في السنين الأخيرة بتشد الخناق على البائعين بشكل مبالغ فيه.. كل شوية تحديث في القوانين، وكل تحديث فيه بند ممكن يقفل حسابك من غير سابق إنذار.
وأضاف: ده اللي خلى تاجر يشتغل شهور ويبني تقييمات ومبيعات، وفي ثانية الحساب يتقفل والفلوس تتحجز، وبالنسبة لموضوع الفواتير أزمة مستمرة، الشركة بقت بترفض فواتير الموردين المحليين بحجة إنها غير أصلية، حتى لو مختومة ومسجلة ضريبيًا.. وده بيخلق مشكلة ضخمة خصوصًا للتجار الصغيرين اللي بيشتروا من موزعين محليين مش من براندات عالمية، وفيه قرارات متناقضة من موظف للتاني يعني لو عندك مشكلة، مفيش ضمان إنك هتلاقي حد يفهمها أصلًا، إحنا هنلجأ للقضاء المصري لأن التجار ليهم ملايين عند الشركة دي.
