نصب وإغلاق حسابات بمئات الآلاف.. بائعو أمازون يستغيثون: مصدر دخلنا وعايزين فلوسنا بالقانون| خاص
استغاث مجموعة كبيرة من بائعي أمازون بعد حجز الشركة على بضائعهم وتجميد حساباتهم بالإضافة لعدم استجابة الدعم الفني لشكواهم خلال فترة طويلة من تقديم الشكاوى وتعاملهم بسلبية وتعت شديد ومخالفة السياسات، بجانب استيائهم من قواعد استرجاع أمازون التي لا تحمي حقوق البائعين من نصب المستهلكين.
بائعو أمازون يستغيثون من تجميد أموالهم ومصادرة بضائعهم
وتواصل القاهرة 24 مع مجموعة من بائعي أمازون والذين تدور مشاكلهم مع الشركة حول حجز الأموال الخاصة بالحسابات ومصادرتها وإعدام المخزون من البضائع المستلمة من البائعين، ومشكلة المرتجعات التي تمثل في إرجاع العميل المنتج للبائع في صورة منتج وهمي، بدل الأساسي، وغياب المراقبة من أمازون على المنتجات المرتجعة وأنه وسيط بين الطرفين، والمشكلة الثالثة سرقة مخزون البضائع التي استلمتها أمازون من التجار.
وفي هذا السياق، قال محمد في تصريحات لـ القاهرة 24: باشتغل تاجر مع أمازون من فترة كبيرة في إلكترونيات وأجهزة منزلية صغيرة، واتفاجئت أنهم حجزوا على المنتجات اللي في حسابي برصيد 155 ألف، وحاولت كتير أتواصل مع الشركة من خلال الدعم الفني وتقديم الفواتير الضريبة اللازمة لكن للأسف مفيش فايدة، رغم إن المبلغ ده فلوس بضاعة مفروض يرجعوها بعد المدة المتفق عليها في السياسات الخاصة بهم ده محصلش.
وواصل إسلام: أنا بائع على أمازون ووقفوا حسابي برصيد 42 ألف جنيه عندهم وأخدوا فلوسي بحجة محتاجين فواتير معتمدة وكل ما أبعت لهم فواتير يرفضوا اللي هم أصلا طلبوها، وده مصدر دخلنا الوحيد ومحتاجين حقنا بالقانون.
وبالنسبة لمشكلة نقص المخزون، علق عمرو: من سنوات بدأت عملي مع أمازون لكن الفترة الأخيرة وجدت تلاعب في سياسات الشركة ولكني لم أهتم بها، حتى استلمت الشركة مني 3 شحنات من البضائع بقيمة 20 ألف جنية على 3 شهور، واتفاجئت بعدها عدم اضافتهم لحسابي بالمنصة.
وأردف: لو أي تاجر باعت 10 قطع بتلاقى المستلم في حسابك 8 قطع وفيه قطعتين مش موجودين ولما بنعمل شكوى بيكون ردهم إن ده الى تم استلامهم فعليا واللى عندكم اعملوه.
وأضافت حنان: أنا بائعة على أمازون وتم قفل وحجز اموالي بمبلغ 15 ألف جنيه، ولكن أمازون بقت بتستمتع بتعذيب وسرقة أموال التجار ومش بتقبل أي فواتير وتعنت بشع منهم في 30 واحد وأكتر منصوب عليهم من أمازون سواء فلوس أو غلق حسابات أو سرقة بضائع وإتلافها.
