باسم يوسف: الناس بتقول إني اتغيرت ودي حقيقة.. وأمي كانت بتضايق لما بتشتم
كشف باسم يوسف عن تفاصيل جديدة تخص حياته المهنية في حلقة اليوم من برنامج كلمة أخيرة، والذي يقدمه الإعلامي أحمد سالم والمذاع على قناة ONTV.
باسم يوسف: الناس بتقول إني اتغيرت ودي حقيقة.. وأمي كانت بتضايق لما بتشتم
وقال باسم يوسف: الناس بتقول إن أنا اتغيرت وأن ده مش باسم يوسف بتاع 2011 ودي حقيقة فعلًا، أنا اتغيرت وأفكاري وطموحي اتغيرت ودلقوتي عندي 51 سنة والناس عايزة تشوف الاتجاه دلوقتي فين مش باسم فين وأكتر حاجة غلط عملتها أني علمت أمي تشوف فيديوهاتي على اليوتيوب.
ومن ناحية أخرى، فقد أعرب باسم يوسف الأسبوع الماضي عن سعادته بالظهور مجددًا عبر قناة ON التي شهدت بداياته قبل 14 عامًا، لافتًا إلى أن ظهوره أثار شائعات حول حصوله على مبالغ مالية ضخمة.
ورد باسم على كل هذه الشائعات قائلًا: كل شوية يقولوا إني واخد فلوس كتير، ومراتي بدأت تشك! بيقولوا أخدت 22 مليون جنيه، وأنا بقول الحقيقة إنهم 22 مليون دولار، ومستعد أظهر في أي حفلة أو برنامج أو حتى سبوع وطهور.
كما أكد باسم يوسف الأسبوع الماضي أن بعض الناس يبالغون في الاحتفاء به وربطه الدائم بالسياسة، مضيفًا: أنا مش شايف نفسي أستحق كل ده، دايمًا بيبقى اسمي في وسط جدل، وأنا في الأساس كوميديان، مش سياسي، بس الناس مصممة تشوفني في الدور الغلط.
