محمد سليمان: البنزين بقى أغلى من المشاوير.. وبفكر أفتح كافيه متنقل
عبّر الفنان محمد سليمان عن استيائه من الارتفاع المستمر في أسعار الوقود، مشيرًا إلى أن الأمر بات يشكل عبئًا حقيقيًا على تنقلاته اليومية.
وقال سليمان في منشور ساخر عبر حسابه الشخصي على موقع فيس بوك: كنت زمان لما أحب أغير جو أطلع بالعربية وألف، دلوقتي بقيت ألف حوالين نفسي قبل ما أقرر أروح فين.. البنزين بقى أغلى من مشاويري نفسها.
وأضاف: كل مرة أقف عند المحطة بحس إني داخل أشتري دهب مش وقود، لدرجة إني بقيت أفكر أركن العربية وأستخدمها كديكور، أو أفتح بيها كافيه متنقل وأعوّض اللي بصرفه، الوضع بقى محتاج خطة تموين قبل أي مشوار.
أعمال محمد سليمان
وفي سياق مختلف، تحدث الفنان محمد سليمان، عن بدايته الفنية، وقال في تصريحات تليفزيونية: مكنتش بعمل إعلانات بصفة احترافية، أنا كنت بشتغل في ورشة تمثيل مع محمد عبد الهادي، وفي الوقت ده كنت بحاول أطلع مزاج معين كنت فيه، وكنت دارس موسيقى في الكونسلفتوار وفكرت أرجع تاني ليها ولكني مكنتش مبسوط، ومكنتش عارف المجالات اللي ممكن أروح فيها إيه، خاصة أني خريج تجارة، وقررت أدرس في ورشة تمثيل بنعمل فيها تمارين البحث مع الذات، مكنش عندي أي خلفية أني ممكن أكون ممثل ولا كنت بفكر في ده، في الوقت ده بدأوا يشوفوا الصور بتاعتي واختاروني في أكتر من إعلان، بعد الإعلانات طلبوني لـ فيلم واندهشت.
