مش بيمشي بشكل طبيعي ونفسيتي ادمرت.. والدة صغير مصاب بضمور العضلات تستغيث: محتاج حقنة بـ11 مليون جنيه
استغاثت والدة صغير بمحافظة القاهرة، من مرضه بـ ضمور العضلات حيث تتكلف الحقنة العلاجية 11 مليون جنيه لكل جرعة علاجية، ويؤثر ضمور العضلات الجيني على طريقة المشي ويسبب ضعفا عاما في عضلات الجسم.
والدة صغير مصاب بضمور العضلات تستغيث
وقالت السيدة في تصريحات خاصة لـ القاهرة 24: ابني دلوقتي عنده 12 سنة وبيمشي على أطراف قدمه، بسبب مضاعفات مرض ضمور العضلات، واكتشفت المرض للمرة الأولى عندما كان عمره 3 سنوات، ويحتاج لأخذ الحقنة العلاجية حاليًا، لأن التأخير يسبب له مضاعفات أكثر حدة، ويحتاج لحقنة علاجية تتكلف 11 مليون جنيه، ولكن ظروفي صعبة لأقصى درجة ممكنة بسبب انفصالي عن والده بجانب أن مصدر دخلي محدود.
وتابعت: ابني بحاجة لعلاج جيني من مرض ضمور العضلات، وحاليًا لا يستطيع المشي بصورة طبيعية أو حمل أشياء ثقيلة يحملها من بنفس عمره، مضيفة: نفسيتي تعبانة ومدمرة من كل اللي حواليا ومفيش مشوار بروح فيه معاه من غير عياط بسبب حالته واللي وصله، تقريبا مش بنام ونفسيتي مدمرة، وبحلم ألاقي حل وابني يقف على رجله تاني.
واستغاثت السيدة لعلاج نجلها من مرض ضمور العضلات والذي تبلغ تكاليف الحقنة العلاجية 11 مليون جنيه، حتى يستطيع المشي وممارسة حياته بشكل طبيعي.
