المخرج عمر عبد العزيز يناشد أبناء الفنانين: اللي عنده مقتنيات يجيبها وهنحطها في متحف السينما
ناشد المخرج عمر عبد العزيز، أبناء وورثة الفنانين بتسليم مقتنيات ذويهم لوضعها في متحف السينما بدلًا من بيعها، معربًا عن استيائه الشديد بسبب بيع ورثة الفنانين لمقتنياتهم.
وقال عمر عبد العزيز، في لقائه مع الإعلامية بوسي شلبي: إحنا بنحاول نقول للأبناء اللي عنده حاجة يجيبها، وإحنا بنحاول نجمع ونعمل أرشيف وفي مهرجان الجونة في أفلام اترممت، ودول اللي بيملكها الحكومة، ولكن في حاجات في البيوت مع الورثة ومنعرفش هما فين، وأذكر الراحل نور الشريف تبرع بكل حاجة لمكتبة الإسكندرية، لازم يبقى عندنا وعي كده.
وتابع عمر عبد العزيز: إحنا بنعمل متحف السينما دلوقتي في مدينة السينما، أنا بأناشد أي حد هيتصل بيا في اتحاد النقابات الفنية الثلاثة، أو نقابة السينمائيين، إحنا هناخد منهم المقتنيات وهنحطها في المتحف.
وأضاف: في ناس اتقطعت صلتنا بيهم وياريت نلاقي فيلم قديم، اتصلوا بيا أنا شخصيًا في اتحاد النقابات الفنية الثلاثة، وأحمد كامل مرسي كان عنده مكتبة غير طبيعية اتباعت على الأرصفة علشان معندوش ورثة.
عمر عبد العزيز يكشف تفاصيل إصابته بكسر في الكاحل
وعلى جانب آخر، كان كشف المخرج عمر عبد العزيز، عن تفاصيل إصابته بكسر في القدم، وهو الأمر الذي جعله يظهر بعدد من المهرجانات الفنية بـ كرسي متحرك، قائلًا: أُصبت بـ كسر في الكاحل بسبب سقوطي في الحمام، الحمد لله وقالولي الأسبوع اللي جاي هفك الجبس.
