المتهمون بصفع مسن السويس: كلِّم أمنا في التليفون وشتمها فضربناه| خاص
كشفت التحقيقات في واقعة الاعتداء على مسن السويس، غريب مبارك، بمنطقة جبلاية السيد هاشم الجناين بمحافظة السويس، تفاصيل ما جرى في الواقعة، والأسباب التي دفعت المتهمين لصفعه والاعتداء عليه، وما جاء بأقوالهما.
أقوال المتهمين بصفع مسن السويس في التحقيقات
وينفرد القاهرة 24 بنشر التحقيقات في قضية صفع مسن السويس، واستمعت جهات التحقيق لأقوال المتهم الأول علي.غ، وجاءت كالآتي:
س: ما قولك فيما هو منسوب إليك من انك متهم باستعراض القوة والتلويح بالعنف واستخدامهم تجاه المجني عليه غریب مبارك عبد الباسط وذلك بقصد ترويعه وفرض السطوة عليه لمنعه من الدلوف للعقار الخاص به محل سكنه على النحو المبين تفصيلًا بالتحقيقات؟
ج: محصلش
س: ما قولك فيما هو منسوب إليك من أنك متهم بالتعدي على المجني عليه غريب مبارك عبد الباسط بالسب بأن وجهته له ألفاظ من شأنها تخدش الشرف والاعتبار على النحو المبين تفصيلًا بالتحقيقات؟
ج محصلش
س: ما هي تفصيلات ضبطك وعرضك علينا اذا؟
ج اللي حصل غن في مشاكل بينا وبين عم غريب عشان إحنا اشتبهنا في ابنه إنه سرق حاجات من البيت واتعمل محضر واتصالحنا في النيابة، وبعدها اتفقنا إنه يعزل من هناك واحنا هنتكفل بجزء من الفلوس لكن يطلع من العمارة وهو قالي سيبني 5 أيام هفكر وأقولك وبعدها عرفت إن عم غريب راح شتم أمي في التليفون ويوم الجمعة أنا لقيت امي بتكلمني وبتقولي غريب واقف تحت العمارة وعايز يدخل العمارة والباب تحت مقفول، وانا كنت لسه مخلص صلاة وروحت على هناك علي طول ولما وصلت عند العمارة لقيت غريب قولتله بتشتم أمي، مش قعدنا واتفقنا إنك تطلع من العمارة قالي لا مفيش الكلام ده واحنا متفقناش بصراحة شديت وممسكتش نفسي في وقتها وضربته بالقلم زي ما الفيديو متصور كده وبعدين الناس اتدخلت بينا ومشوني وقالولي هيطلب النجدة وأنا ساعتها رجعت على بيت جدي ولما عرفت إنه عمل محضر والموضوع كبر سلمت نفسي لقسم الجناين وفضلت هناك لحد ما جيت على النيابة.
كما استمعت جهات التحقيق لأقوال المتهم الثاني عاصم غ، وجاءت أقواله كالآتي:
س: ما قولك فيما هو منسوب إليك من انك متهم باستعراض القوة والتلويح بالعنف واستخدامهم تجاه المجني عليه غريب مبارك عبد الباسط وذلك بقصد ترويعه وفرض السطوة عليه لمنعه من الدلوف للعقار الخاص به محل سكنه على النحو المبين تفصيلًا بالتحقيقات؟
ج محصلش
س: ما قولك فيما هو منسوب إليك من أنك متهم بأحداث أصابه المجني عليه غريب مبارك عبدالباسط عمدًا ولمده لا تزيد عن عشرين يومًا على النحو المبين تفصيلًا بالأوراق الموصوفة بالتقرير الطبي الخاص به بالاشتراك مع المتهم علي.غ والتي اعجزته عن اعماله الشخصية؟
ج محصلش.
س: ما هي تفصيلات ضبطك وعرضك علينا إذا؟
ج: اللي حصل إني في مشاكل بينا وبين محمد غريب اللي هو يبقي إبن عم غريب مبارك اننا اشتبهنا فيه إنه سرق حاجات من المخزن بتاعنا وروحت واجهت عم غريب بالكلام ده وقالي لا يبني مش هو وساعتها اتعمل محضر وخلص صلح في النيابة وبعدين أنا روحت واتكلمت مع عم غريب وقولتله أجر مكان تاني وأنا هتكفل بإيجاره قالي سيبني 5 أيام وأنا هفكر واقولك وبعدها الفترة دي اخدوا بعضهم وطلعوا من البيت ويوم الخميس عم غريب شتم والدتي وهي قالتلي لحد يوم الجمعه بعد الصلاه لقيت عم غريب تحت البيت هو وبنته وجايين عايزين يدخلوا وأنا منعتهم من الدخول ولقيت والدتي كلمت علي وجه عند البيت وحصلت مشكله بينهم والناس اتلمت وبعدين انا روحت القسم وفضلت قاعد هناك لحد ماجيت على النيابة.
