بعد أنباء زواجه منها.. عبد الله رشدي يدافع عن البلوجر أمنية حجازي: الاستقواء على المُذنب مش مطلوب
قدم عبد الله رشدي الداعية الإسلامي، الشكر لمتابعيه بعد دعمه في الأزمة التي لاحقته مؤخرًا، بشأن أنباء زواجه من البلوجر أمنية حجازي.
وقال عبر صفحته بـ فيسبوك: أشكركم والله على مظاهرة الحب دي اللي قسما بالله، ما كنت أتخيلها.. وأشكر أولًا الله ربي الذي منحني كل هذا الحب في قلوبكم، ولو سمحتم لي طلب رجاء مني لكم كلكم بالنسبة لأمنية كلنا بنغلط وكلنا بنندفع، بس خلاص كفاية كدة.
بعد أنباء زواجه منها.. عبد الله رشدي يدافع عن البلوجر أمنية حجازي: الاستقواء على المُذنب مش مطلوب
وتابع: كدة مش هنسيب فرصة لأي حد يغلط إنه يراجع نفسه ويكون أحسن كدة بنعمل تحطيم لها كدا بندبح الشخص ومش بنعينه على الخير ولا هنمنحه طوق نجاة ننتقد الغلط ونوضحه.. بس منقضيش على المُخطئ بالعكس، ندعمه إنه يكون أفضل في حياته اللي جاية، كلنا بنغلط يا جماعة.. ومحدش فينا لما يغلط هيحب إن الناس تدبحه بالشكل دا، أنا بطلب منكم إن كدا كفاية..دي امرأة في الآخر.. والاستقواء على المُذنب مش مطلوب.
وكانت أمنية حجازي قد ظهرت في أحد البرامج التليفزيونية مساء الاثنين الماضي، وتحدثت عن أزمة لها مع الداعية عبدالله رشدي واتهمته بالزواج منها والتهرب وإنكار نسب طفلتهما، وفق قولها.
وقالت: الزواج منه كان رسمي وأهلي كانوا عارفين، لكني مكنتش حابة حياتي تكون على السوشيال ميديا، بعد فترة بدأت توصلني رسائل من حسابات غريبة، واكتشفت إن في سيدات بيتكلموا عني وبيخوضوا في عرضي، وعملت محضر لكن هو طلب مني أتنازل عنه.
