أول تعليق من صاحب منشور العثور على طفل حديث الولادة تحت كوبري الأوسطي: ناس كتير كانت عايزه تتبناه
تداول مستخدمو مواقع التواصل الاجتماعي، صورة لـ طفل حديث الولادة، تم العثور عليه، منذ أيام بنفق تحت كوبري الأوسطي اتجاه أكتوبر.
وقال محمد سمير، الشخص الذي عثر على الصغير حديث الولادة، في تصريحات خاصة لـ القاهرة 24: لقيت الطفل يوم الثلاثاء اللي فات، كنت واقف تحت الكوبري ولقيت شخص بيشاور لي وبينادي عليا، لما قربت منه عشان أشوفه عايز ايه، قالي بص أنا لقيت إيه، وببص معاه على اللفة لقيت فيها المولود.
أول تعليق من صاحب منشور العثور على طفل حديث الولادة تحت كوبري الأوسطي
وتابع محمد سمير: الشخص الذي عثر على الصغير حديث الولادة، الطفل ملامحه جميلة وعمره يوم العثور عليه كان حوالي 4 أيام، وكان على وشه آثار قرص الناموس، ومن الواضح انه بقالوا كتير في الشارع، ربما يكون مخطوف.
وأضاف: تواصلنا مع الشرطة وتم التوجه بالطفل لقسم 15 مايو، والنيابة العامة أصدرت قرار بوضعه في حضانة مستشفى حلوان العام، وفور خروجه من الحضانة خلال الأيام القليلة المقبلة، هيتم تسليمه لدار رعاية أطفال وتسميه.
واستكمل محمد سمير: المولود حتة لحمة حمرا.. أول لما شوفته فكرته ميت لكن لقيته عايش، وجبنا له أكل وشرب لأنه كان متبهدل في الشارع، والمشبك بتاع الحبل السري كان لسه موجود فيه، ومفيش أي حاجة معاه تدل هو مين ولا مين اللي سابه، ولكن شكله ابن ناس من نوعية الملابس اللي لابسها، وفي ناس كتير كلمتني عايزين يتبنوه لكن تم تسليمه لقسم الشرطة في حلوان، ثم تحويله لقسم شرطة 15 مايو.
