اعترافات قاتل زميله بالإسماعيلية: سرقت تليفونه عشان مصروفي قليل وبشرب كحوليات وبدخن | خاص
اعترافات قاتل زميله بالإسماعيلية: سرقت تليفونه علشان مصروفي قليل وبشرب كحوليات وبدخن | خاص
حصل القاهرة 24، على نص اعترافات الطفل المتهم ي.أ بقتل زميله م.أ بالإسماعيلية باستخدام منشار كهربائي، والمعروفة إعلاميًا بقضية المنشار.
اعترافات قاتل زميله بالإسماعيلية بالمنشار الكهربائي
وجاء نص اعترافات المتهم كالتالي:
س ـ ما كيفية سرقتك للهاتف المحمول الخاص بالمجني عليه؟
ج: كنا في إجازة الصيف ولقيت محمد بيتصل عليا من تليفونه وبيقولي إنت فين قولت أنا في البيت وقالي إنت ساكن فين وقولتله، قالي أنا نص ساعة وأعدي عليك وبعدها بشويه قالي إنه وصل ناحية سوق الجمعة قولتله طيب أنا جايلك ورحتله وكان ساعتها في دماغي أسرق تليفونه لأن كنت محتاج فلوس، علشان أنا بشرب سجاير وكحوليات وأبويا على قده وما بخدش مصروف كويس.
وواصل: قابلت محمد فضلنا تتمشى شويه وقولتله تعالی نروح ماركت وهناك قولتله إنت مش حاطط التليفون في جيبك ليه قالي معنديش جيب فقولتله هات أنا أشيلهولك وخدته منه، وبعد ما خلصنا مشينا وطلعنا على المحطة الجديدة وإحنا برا الماركت قولتله أدخل اشتريلي عصير وأنا عارف مكان العصير هناك جوه في آخر الماركت، وأول لما دخل أنا هربت منه ومشيت وطلعت على البيت وطلعت الخط من التليفون وكسرته.
وحاولت أفضله بس كان لازم الباسورد بس أنا أعرف طريقة ثانية وبعدها بشوية لقيت تليفونات غريبة كتير بس أنا مردتش لأن قولت دول أكيد أهل محمد.
س: متى وأين حدثت واقعة سرقة هاتف المجني عليه؟
ج: في إجازة الصيف اللي فاتت بس مش فاكر في شهر كام بس كانت قبل النتيجة.
س: ما سبب سرقة هاتف المجني عليه؟
ج: مصاريف كتير ويشرب سجاير وخمرة وببقى محتاج فلوس وفي نفس الوقت مشي باخد مصروف من أبويا تكفيني.
س: ما التصرف الذي اتخذته بشأن الهاتف المحمول الذي سرقته من المجني عليه؟
ج: أنا بعته تاني يوم بعد ما سرقته
س: من الشخص الذي اشترى ذلك الهاتف المحمول منك؟
ج: روحت لمحل عند موقف الفردوس بتاع تليفونات والراجل هناك اشتراه مني.
س: ما هي القيمة المالية التي تحصلت عليها مقابل بيعك لذلك الهاتف؟
ج: بعته لمحل تليفونات بحوالي 500 أو 600 مش فاكر بالضبط.
س: ما هي قيمة الهاتف المحمول الفعلية؟
ج: حوالي خمسة آلاف جنيه.
س: هل كان الشخص الذي اشترى الهاتف المحمول على علم كونه من متحصلات سرقة؟
ج: أكيد عارف لأن اشتراه بالسعر ده وهو عارف سعره الحقيقي وكمان المحلات اللي في المكان ده بيشتروا التليفونات المسروقة عشان كده أنا رحت بعته هناك.
س: هل تعرفت على الشخص الذي اشترى الهاتف المحمول منك؟
ج: هو اللي قابلناه في المحل.
