حازم إمام: أتمنى أرض أكتوبر ترجع للزمالك.. واللي غلط حاسبوه
تحدث حازم إمام “الكبير” نجم نادي الزمالك الأسبق عن الفوز على حساب زيسكو يونايتد الزامبي في الجولة الأولى من مجموعات كأس الكونفدرالية الإفريقية.
تصريحات حازم إمام
وقال حازم إمام في تصريحات مع سيف زاهر: محمد صبري لاعب كبير وأسطورة من أساطير الزمالك وفعل أشياء كثيرة ومحبوب.
وأضاف: أشكر جماهير نادي الزمالك على ما قدموه اليوم، ولو كل حاجة راحت منك الجمهور عمره ما يروح منك وعلى طول مساند وجمهور عظيم جدًا جدًا وطول الوقت بيشجع وبيدافع رغم حالة الزمالك وبالرغم من المشاكل التي يعاني منها الزمالك ولكن الجمهور يدعم وهو الحاجة الحلوة الموجودة.
وأردف حازم إمام: أتمنى إن أرض أكتوبر ترجع والزمالك هو نادي تابع للدولة ولو حد غلط حاسبوه هو متحاسبوش نادي الزمالك، ولو الإدارة غلطت تتحاسب، والأرض دي هتبقا شيء متنفس لنادي الزمالك، والأندية الكبيرة زي الزمالك والأهلي دي مش أندية رياضة بس بل خدمة مجتمعية للدولة، فـ متحاسبش الأندية الكبيرة زي الأهلي والزمالك إن 1+1 تساوي 2 لأنهم مش أندية رياضة بس ولازم الحساب يبقا مختلف شوية، وأتمنى سيادة الرئيس يبص بصة للموضوع وإحنا أكيد هنتفق على أي حاجة الرئيس هيقولها.
وأفاد حازم إمام في تصريحاته: كل ما نخرج من مشكلة نخش في مشكلة تانية، ودي حاجة تجيب اكتئاب للمشجع الزمالكاوي، وتجربة جون إدوارد متقدرش تقول نجحت ولا فشلت، لأني مش معايا موارد مادية، ومش معايا فلوس أجيب لاعيبة، والمادة مهمة جدًا.
واختتم تصريحاته، قائلًا: هل أنت معاك فلوس تجيب مدرب أحسن من أحمد عبد الرؤوف؟.. فهل لو أنت مشيته هتجيب حد أحسن منه؟
