فيه حاجات مينفعش تتقال.. علي ماهر يكشف كواليس زيارته للنادي الأهلي عقب رحيل ريبيرو
كشف المدير الفني علي ماهر عن حقيقة حضوره مؤخرًا داخل النادي الأهلي، بعد تداول أنباء ربطت زيارته بإمكانية توليه القيادة الفنية للفريق.
تصريحات علي ماهر
وأوضح علي ماهر أن زيارته للنادي لم تكن مرتبطة بأي مفاوضات رسمية، مضيفًا: فيه حاجات مينفعش أقولها، لكن ببقى مبسوط لما يبقى فيه ناس من مجلس الإدارة بتتكلم معايا وعايزاني أكون موجود في الأهلي، وسواء مدير فني مصري أو أجنبي، أنت بتدعم المنظومة.
وأشار إلى أن الزيارة التي أحدثت جدلًا كانت مرتبطة بأمور شخصية: كنت في النادي الأهلي لحاجة تانية حصلت، رُحت الشهر العقاري وخلصت شغلي ومشيت، مقدرش أقول كل حاجة، لكن علاقتي بالنادي الأهلي دايمًا كويسة، وفيه تواصل بيحصل باستمرار.
وكشف علي ماهر أن بعض مسؤولي الأهلي أعربوا له عن تقديرهم، قائلًا: بعد آخر ماتش في السوبر، المهندس خالد مرتجي وجمال جبر قالولي إنهم بيحبوني ومبسوطين لما ببقى موجود.
وعن حلم تدريب القلعة الحمراء، أكد المدير الفني: طبعًا نفسي أدرب الأهلي، ده شرف كبير لأي مدير فني، أنا تعبت وشقيت وعديت مراحل كتير.
وعن سؤال حول ما إذا كان قد طُلب منه تولي المهمة بشكل مؤقت، اكتفى علي ماهر برد مقتضب قائلًا: فيه حاجات مينفعش تتقال.
