عمرو مصطفى يدعم شرين عبدالوهاب: هنشوفها قريب..وكل فنان بيمر بفجوة وبيرجع تاني
حرص الملحن عمرو مصطفى على دعم الفنانة شيرين عبدالوهاب وذلك بعد الأزمات التي تمر بها خلال الفترة الحالية، وشائعات اعتزالها الفن التي انتشرت خلال الأيام الماضية أيضًا.
حيث وجه رسالة دعم لها خلال لقاؤه مع القاهرة 24، قائلًا: شيرين هترجع لجمهورها وهنشوفها تاني قريب وكل فنان بيمر بفجوة وبيرجع تاني وإن شاء الله عودتها قريبة لجمهورها وتمتعهم بأغنيها.
ومن جانبه سبق أن علقت الفنانة شيرين عبد الوهاب خلال الأيام الماضية، على شائعات اعتزالها الفن وقالت شيرين عبد الوهاب، في تسجيل صوتي: بحضر مفاجآت مختلفة وجديدة هتفرحوا بيها أوي، هغني ليكم بس من أماكن مختلفة، وهفضل أغني لحد ما أموت ومفيش اعتزال، الاعتزال هو الموت، وطول ما أنا عايشة بغني وبحبكم وواصلني حبكم، أنا عايشة بيه وعايشه ليه وأنا مش بستسلم أبدًا، في حاجات جامدة جدًا بتحصلي من أقرب الناس ليا تكسير وقتل بس أنا جامدة وربنا معايا ومقويني، وأنا بتاعتكم أنتوا وعايشة علشانكم أنتوا، واستنوا الحاجات الجديدة اللي نازلة وأنتوا الدنيا بالنسبة ليا.
جدير بالذكر أن عمرو مصطفى ظهر منذ أيام من خلال لقاء تليفزيوني، مع زياد ظاظا والموزع الشاب معتز ماضي، والذي حرص من خلاله على توضيح آلية التعامل مع الذكاء الاصطناعي وتطويعه بالعنصر البشري في صناعة الموسيقى، مؤكدًا أنه مجرد أداة لتوسيع أفق ومدارك الموسيقي وتضع أمامه اختيارات متعددة ليستقر على الأنسب ويقوم بتطويعه.
ومن ناحية أخرى فقد خاض الملحن عمرو مصطفى، تجربة وتحدِ جديد في التعاون مع الجيل الجديد من صناع الموسيقى في مصر، وذلك من خلال صناعة أغنية كاملة أمام الجمهور في أقل من 6 ساعات، تتلاءم مع أفكارهم ممزوجة بخبرته.
