محامي المسن الصعيدي يقاضي فتاة المترو وكل المسيئين لموكله بتهمة السب والتشهير
أعلن حسن يوسف المحامي دفاع الحاج عبد العال صاحب واقعة مسن المترو، اتخاذ الإجراءات القانونية ضد الفتاة بتهمة السب والقذف والإساءة التشهير بموكله وضد كل من أساء إليه.
محامي المسن الصعيدي يقاضي فتاة المترو وكل المسيئين لموكله بتهمة السب والتشهير
وأضاف يوسف في تصريحات لـ القاهرة 24 أنه سيقدم بلاغا للجهات المختصة ضد كل من يسيء أو يشهر بموكله عبر مواقع التواصل الاجتماعي لما رآه من تعليقات سلبية تضر بسمعة موكله وتسيء له.
وكان تصدر مقطع فيديو لـ مسن صعيدي داخل مترو الأنفاق، تريند منصات التواصل الاجتماعي، حيث تضمن مشادة بينه وبين فتاة شابة، على خلفية اعتراضه على طريقة جلوسها بوضع قدم فوق الأخرى أمامه.
أول تعليق لـ المسن الصعيدي صاحب واقعة فتاة المترو
وقال الحاج عبد العال محمود عبد العال، المسن الصعيدي صاحب فيديو المترو لـ القاهرة 24: محدش هاجمني، والبنت براحتها تنزل الفيديو، هي غلطانة، والفيديو اتصور من 3 أيام كنت رايح السيدة زينب وكنت في المترو اتجاه حلوان.
وأضاف: اللي حصل كان فيه 8 رجالة كبار في السن قاعدين في المترو أقل واحد فيهم في السن أنا عمري 68 سنة، وهي قاعدة قدامنا وحاطة رجليها في وشنا، قُلتلها عيب بالذوق لو سمحتي نزلي رجلك عشان فيه ناس كبيرة في السن قاعدة قدامك، غلطت فيا رديت عليها، قلت لها إنتي ما اتربتيش، وواحد صورنا ونزل الفيديو على السوشيال ميديا.
واستكمل الحاج عبد عبد العال: أنا راجل صوفي وكنت رايح أصلي في السيدة زينب، ولما اتكلمت مع البنت بالأدب قالتلي دي حرية شخصية، وأحط رجل على رجل براحتي، وحطت الرجل في وشنا غلط، وكل السيدات في المترو كانوا قاعدين بشكل عادي، وأصلا وجودها في عربية الرجال غلط من البداية.
