سامو زين: رفضت أقدم أغنية يا غايب.. وكانت سبب انطلاقة فضل شاكر
كشف المطرب سامو زين، لأول مرة كواليس أغنية يا غايب، موضحًا أنه رفضها قبل أن تذهب للفنان اللبناني فضل شاكر، مؤكدًا أنها كانت سببًا رئيسيًا في انطلاقة شاكر.
وقال سامو زين، في لقائه مع الإعلامية ياسمين عز، في برنامجها كلام الناس: رفضت أغنية يا غايب وراحت لـ فضل شاكر، ده حبيبي وإن شاء الله نشوفه قريب، الأغنية دي مكنش ليا نصيب فيها وحطيت صوتي عليها ولكني محستش إنها لايقة عليا.
وتابع سامو زين: فضل شاكر سمعني وأنا بدندن الأغنية وقالي إزاي مش هتغني الأغنية دي؟، قلتله مش حاسس الأغنية، فقالي أنا هغنيها، وغناها هو وكانت بداية الانطلاقة الكبيرة لـ فضل.
سامو زين: محستش بغيابي 15 سنة
وسبق وتحدث الفنان سامو زين، عن فترة غيابه عن الساحة الفنية، موضحًا أنه شعر بمحبته في قلوب جمهوره بعد استقبالهم له خلال عودته من جديد، قائلًا: أنا في قلوب الناس وشفت حبهم في رجوعي، وتعبت في الشغل اللي قدمته الفترة اللي فاتت والأغاني لسه عايشة ومحستش أني غيبت وشفت ده في استقبالهم.
وتابع سامو زين: كان عندي دايمًا حيرة أن ليه عبد الحليم حافظ لسه عايش وسطنا لغاية دلوقتي، وده اللي اعتمدته من بدايتي وأن إزاي أتقدم للناس والمجهود والكلام واللحن وكل حاجة بتكون مدروسة واللي شفته هو ده المكافأة أن الأغاني لسه عايشة بعد أكتر من 15 سنة.
