أبرز تصريحات أمينة خليل: كنت باليرينا لمدة 20 سنة.. ولو حد صورني وأنا مش واخدة بالي هجيبله الأمن
حلت النجمة أمينة خليل ضيفةً على الإعلامية عبلة سلامة في حلقة جديدة من برنامج "عندك وقت مع عبلة" والمذاع السبت على شاشة قناة mbc مصر، وتحدثت أمينة خليل خلال اللقاء عن نجاح دورها في مسلسل لام شمسية، وغيرها من النجاحات والأسرار التي كشفتها خلال الحلقة.
ونستعرض لكم أبرز تصريحات أمينة خليل خلال اللقاء:
ـ أعاتب فقط من أحبهم وأتقبل اعتذارهم سريعًا وأعتقد أن راحة البال أهم من النجاح.
ـ كنت طفلة مطيعة وحالمة وشاطرة في المدرسة بالذات الرسم والمزيكا والتمثيل.
ـ كنت بلعب باليه لحد 20 سنة وأتمنى تقديم عمل ميوزيكال.
ـ عمي الموسيقار يحيى خليل علمني حب المزيكا وتأثرت به كثيرا وهو أكثر من شجعني على الاتجاه للتمثيل.
ـ السوشيال ميديا خلت البنات ثقتهم في نفسهم تقل، البنات دلوقتي بقت حاطة في نفسها ضغط إن ملزمين يبقا شكلهم حاجة معينة.
ـ السوشيال ميديا خلت كل الناس بقت شبه بعض ومبقاش في حاجة طبيعية وأوريجينال ودا شيء مقلق جدًا.
ـ بحاسب نفسي يوم عيد ميلادي من السنة للسنة بعمل لنفسي جرد.
ـ أول مرة حبيت في حياتي كان عندي 14 سنة وفي رأيي الحب ترتيب من القدر.
ـ لو حد خذلني عمري ما برد، ومبغفرش الخيانة أبدًا.
ـ الخيانة ممكن تكون لحظة ضعف لكن أنا مش مضطرة استحملها.
ـ المسرحية اللي قدمتها في موسم الرياض فادتني.
ـ ندمت على قراري لما اتحطيت في موقف الاختيار ما بين حياتي وشغلي واختارت حياتي.. كان قرار غلط.
ـ وقت التصوير ثقتي في نفسي بتتهز، وبروح لماما أقعد في حضنها وأبكي.
ـ معظم الناس اللي بتدخل الفن علشان الشهرة بتشتري لايكات والموضوع بيقلب معاهم بـ هوس.
ـ لو حد صورني وأنا مش واخدة بالي مش هسيبه وهجيبله الأمن.
