مصادر لـ القاهرة 24: السلطات المعنية تحقق في استغاثة مصريين بشأن احتجاز سفينتهم بالبحر الأحمر
كشفت مصادر لـ القاهرة 24، عن أن السلطات المعنية تحقق في استغاثة مصريين بشأن احتجاز سفينة كانوا على متنها في البحر الأحمر.
وبحسب المصادر، فإنه يجري الآن التحقيق في استغاثة المصريين بشأن احتجاز سفينة كانوا على متنها في البحر الأحمر.
احتجاز سفينة عليها مصريين في البحر الأحمر
وتداول مستخدمو مواقع التواصل الاجتماعي مقطع فيديو يزعم فيه شخص احتجازه و3 مصريين من قبل السلطات الإيرانية منذ شهر.
وقال أحد المحتجزين في الفيديو: معاكم كبير ضباط بحريين، ببعت استغاثة لكل من يعنيه الأمر، حاليًا أنا على مركب ناقلة بترول اسمها ريم الخليج، المركب اتمسكت يوم 23 ديسمبر من مضيق هرمز وإحنا ماشيين، وده ممر دولي مفيش لأي بلد سيطرة عليه.
وواصل: أنا و3 مصريين اتمسكنا بتهمة تهريب، إحنا مكنّاش بنهرب ولا بنعمل أي حاجة، إحنا ماشيين بشحنة رسمية من الإمارات، الشحنة اللي معانا واخدينها من مركب تابعة للشركة ورايحة لمركب تابعة للشركة، وليها ورق رسمي، وتفاجئنا بيهم وخدوا البضاعة اللي على المركب.
وأضاف: السلطات الإيرانية حطت علينا غرامات، كل واحد فينا 3.5 مليون دولار، ومطلوب من الشركة إنها تدفعهم أو هنتحبس، والكابتن بيتواصل مع الشركة، بيقولوا إن فيه محامي بيظبط الموضوع، لحد امبارح عرفنا إن الموضوع بقى رسمي، ولو مادفعناش الغرامات هنتحبس.
وأوضح: إحنا مالناش دعوة بأي حاجة، إحنا مجرد موظفين، بقالنا شهر على المركب ومحدش بياخد أي إجراءات… إلحقونا، إحنا مالناش ذنب في حاجة.
