المتهم بالاعتداء على عمر عصام بطل الريست بالشرابية: ضربته بالسكينة في وشه عشان عاكس أختي
كشفت التحقيقات تفاصيل واقعة اعتداء مجموعة من الشباب على صديقهم الذي يدعى عمر عصام، والمعروف بـ بطل الريست، خلال دفاعه عن طفل كان يتعرض للضرب بسبب خلافات بينهم.
تفاصيل الاعتداء على عمر عصام بطل الريست
وحصل القاهرة 24 على نص التحقيقات وجاءت أقوال المتهم أمام جهات التحقيق كالآتي:
س: ما قولك فيما هو منسوب إليك من أنك متهم بضرب المجني عليه عمر عصام عمدًا وإحداث ما به من إصابات والتي أعجزته عن اشغاله الشخصية وكان ذلك باستخدام أداه على النحو المبين بالأوراق؟
ج: أيوة حصل بس أنا مكنش قصدي.
س: ما قولك فيما هو منسوب إليك من أنك متهم بإحراز سلاح أبيض "سكين" بغير مسوغ من الضرورة المهنية أو الحرفية؟
ح: أيوة حصل وأنا غلطان بس أنا خدتها معايا عشان أدافع عن نفسي لو عمر عصام حاول يضربني.
س: ما الذي حدث إذا وما هي ظروف ضبطك وعرضك علينا؟
ج: اللي حصل إني كنت في البيت ولقيت أختي رضوي بتكلمني بتقولي الحقني في واحد بيعاكسني أسمه عمر في شارع المستشفى في الشرابية فأنا روحت جبت سكينة عشان لو حاول يضربني أدافع عن نفسي ولما روحت عنده وقابلته وقولتله أنت بتعاكس أختي ليه شتمني ورما شطة في وشي وضربني بكذلك في وشي وفي رأسي فأنا طلعت السكينة اللي معايا عشان أدافع عن نفسي وضربته في وشه وبعدها الناس اتلمت وحاشونا وأنا مشيت وبعدها وأنا مروح جالي أمين شرطة وداني على قسم الشرابية وبعدها وداني اكشف في المستشفى وجابوني على النيابة وهو ده كل اللي حصل.
س: متي وأين حدث ذلك؟
ج: يوم ۲۰۲٦/١/١٧ حوالي الساعة 11 مساء في شارع المستشفى بدائرة قسم شرطة الشرابية القاهرة.
س: وما سبب ومناسبة وجودك بالزمان والمكان سالفي الذكر؟
ج: أنا روحت عشان أتكلم مع عمر وأقوله متعاكسش أختي ثاني.
س: من كان برفقتك آنذاك؟
ج: أنا كنت لوحدي.
س: وهل من ثمة خلافات سابقة فيما بينك وبين سالفي الذكر؟
ج: لا.
