إيمان ذو الفقار ابنة مريم فخر الدين تكشف تفاصيل إقدامها على بيع أفلام والديها: بقالي 7 سنين مباخدش مليم | خاص
كشفت إيمان ذو الفقار، ابنة الفنانة الراحلة مريم فخر الدين، والراحل محمود ذو الفقار، تفاصيل طلب أحد الأشخاص شراء أفلام والديها.
وقالت إيمان ذو الفقار، في تصريح خاص لـ القاهرة 24: حد طلب مني يشتري فيلمين كل فيلم بـ 100 ألف، أنا مباخدش مؤسسة السينما واخدين الأفلام على أساس أنهم بيعرضوها على التلفزيون ويدونا أرباح، بقالنا أكتر من 7 سبع سنين مخدناش منهم مليم.
وتابعت ابنة مريم فخر الدين ومحمود ذو الفقار: أنا لسه مابعتش أفلام قبل كده، وبيقولي هتكلف كتير علشان الأفلام وهديكي 100 ألف، وهعمل نسخ بـ 300 ألف، أنا مالي بـ ده كله؟، وقررت أسأل بتوع السينما هل السعر ده كويس ولا لأ.
مجدي أحمد علي يستنكر بيع ابنة مريم فخر الدين ومحمود ذو الفقار أفلام والديها
ومن ناحية أخرى، سبق وأعرب المخرج مجدي أحمد علي، عن استيائه الشديد بسبب إقدام ابنة الراحلين مريم فخر الدين ومحمود ذو الفقار على بيع أفلام والديها، حيث كتب عبر فيس بوك: تخيلوا هذه رسالة حقيقية.. الأفلام المصرية لازالت تباع لمن يشتري وبأبخس الأسعار، ونحن ننادي منذ عقود بإنشاء أرشيف قومي للسينما المصرية ولا مجيب.. ''مساء الخير أنا ايمان ذوالفقار بنت المرحومة مريم فخر الدين والمرحوم محمود ذوالفقار في واحد عابر يشتري مني فيلمين أطلب كام في الفيلم؟، بيقول هو اشترى 100 ألف جنيه أفلام هل ده تمن صح؟
