أحمد سعد: أغنية وسع وسع مكنتش لمحمد رمضان.. ومش هقدم أغاني نكد تاني
حلّ الفنان أحمد سعد ضيفًا برنامج ABtalks، الذي يقدمه الإعلامي الإمارتي أنس بوخش، حيث تحدّث عن مسيرته الفنية وتجربته الشخصية، مؤكدًا أن الموسيقى هي التي اختارته
وتحدث أحمد سعد عن بداياته قائلًا: قبل أن أغني كنت أستمع إليها، وكانت تستدرجني، ولو عاد بي الزمن لفعلت نفس ما فعلته سابقًا، والأول كنت بقرأ قرآن وابتهالات، وكنت بطلع في إذاعة المدرسة أقرا قرآن الصبح وبدأت أحفظ.
وصف أحمد سعد مسيرته بأنها قصة كفاح عجيبة، موضحًا أنه قضى 13 سنة من حياته دون تحقيق أرباح كبيرة، وقال: اللي متشهرش كان أحسن مني، لأن الوقت كان مش بتاعي، ولما تنازلت وقصّيت جزء من إمكانياتي الصوتية، ربنا كرمني.
أحمد سعد: محمد رمضان حبيبي وبسمعه أغاني قبل ما تنزل
وتحدث عن أغنية وسع وسع، قائلًا: لما نزلت الأغنية الناس كلها قالت إني بتكلم محمد رمضان، ولكن ده مش حقيقي، الناس عايزه تعيش الحالة، ومحمد حبيبي وبسمعها قبل ما أنزلها وبقوله هنزلها، وبيسمعني الأغاني بتاعته.
وأضاف أحمد سعد، أنه قرر في الفترة الأخيرة تخفيف الضغوط عن الجمهور، وقال: مش هنكد على الناس، لأنهم تعبانين ومش ناقصين نكد، الألبوم اللي فات فهمت دوري: الجمهور جاي عشان ينبسط ويغني معايا، مش المفروض أورّي إمكانياتي الفظيعة، احنا جايين ننبسط.
أحمد سعد: أغنية مكسرات جيبت جون بها في الدقيقة 90
وتحدث عن أغنية مكسرات، وقال: الأغنية تعنيني، والنجاح صعب وبيعمل هاجس، وكنت بفكر هقدم إيه بعد اختياراتي وجيبت جون بيها في الدقيقة 90.
كما أعرب عن حلمه بلقاء الأساطير، وقال: كان نفسي أشوف أم كلثوم قدامي، لأنها حالة مختلفة هي وعبد الحليم.
وأشار أحمد سعد إلى أن أكبر إنجاز في حياته هو زوجته علياء، موضحًا: كل حاجة دايرة من خلالها، ومرتاح وحاسس إن في حد شايل همك.
وأضاف عن تعامله مع الانتقادات: أنا مش بقرأ التعليقات في حياتي علشان متأثرش، وكنت بتشتم حد وأربع زي المضاد الحيوي.
