سيد معوض يكشف كواليس سهرة أزارو وصالح جمعة قبل سداسية النجم الساحلي

كشف سيد معوض المدرب العام السابق للنادي الأهلي عن موقفًا طريفًا قبل مباراة الأحمر أمام النجم الساحلي في إياب نصف نهائي دوري أبطال إفريقيا 2017.

صالح جمعة: إمام عاشور حاسس إنه مظلوم وشايف إن طريقة التعامل معاه لازم تكون أفضل

تصريحات سيد معوض

وقال سيد معوض في تصريحات لبرنامج الكرة مع فايق: أنا شيلت عقوبة من على صالح جمعة قبل ماتش النجم الساحلي اللي كسبناه 6 في برج العرب، قبل الماتش بيوم، الساعة 3 الفجر، لقيت حد باعتلي صور لصالح ووليد أزارو سهرانين في مكان، وإحنا هنتجمع الساعة 10 الصبح علشان نسافر الإسكندرية.

وأضاف: الساعة 7 الصبح كلمت وكيل أزارو، وقلتله: تعالى الساعة 8 النادي علشان فيه مشكلة.. وقعدت معاهم واتكلمت معاهم، هما كانوا متوقعين إني هقلب عليهم وأبلغ الجهاز الفني، لكن أنا عنّفت الثنائي.

وأشار سيد معوض في تصريحاته إلى أن وليد أزارو أبلغه أنه لم يكن يعلم أن السهر ممنوع، وكانوا يتناولوا وجبة العشاء.

وقال أزارو لـ سيد معوض حينها: خلاص مش هتكرر دا لأن ممكن نتوقف.

واستمر سيد معوض في روايته: سافرنا الإسكندرية، وكان أزارو وصالح أساسيين، وماكنش معانا حد غير صالح لأن عبد الله السعيد كان مصابا، صالح جاله مزق في الدقيقة 25.. أزارو سجل 3 أهداف، وكانت الدنيا مش ماشية معاه في الفترة دي، لقيت صالح جاي يقولي: شوفت عملتلك فيه إيه؟ مكنش بيجيب أهداف، سيبهولي أسهره وهتلاقي من دا كل ماتش.

وأتم تصريحاته: كابتن سيد عبد الحفيظ ولا كابتن حسام البدري، لحد الآن محدش فيهما يعرف الموقف ده.