أقوال المجني عليه في واقعة إجباره على ارتداء ملابس نسائية: لبسوني بدلة رقص ونزلوني الشارع
يستكمل القاهرة 24، نشر التحقيقات في واقعة إجبار شاب بقرية ميت عاصم التابعة لمركز بنها بمحافظة القليوبية على ارتداء ملابس نسائية في القضية المعروفة إعلاميا بـ بدلة الرقص.
أقوال المجني عليه في واقعة إجباره على ارتداء ملابس نسائية
وبسؤال المجني عليه.. ما هو قصدك إذا من الذهاب برفقو المدعوة ر.ا. ف؟
ج: إحنا كنا بنحب بعض وكنا مخطوبين وهي قالتلي تعالى اقابلك ونهرب.
س: ما الذي تلاحظ لك حال عودتك إلى المنزل خاصتك؟
ج قابلت أبوها وإخواتها اتنين وأخوالها الاتنين وناس تانية معاهم معرفش أسماءهم بس عارف أشكالهم قاعدين جوة البيت.
س: ما التصرف الذي بدر من المتهمين حال رؤيتك؟
ج أول لما شافوني لقيت أخوها رفع عليه يلاح أبيض -سنجة- واتلموا عليا كلهم وخدوني من البيت ركبوني عربية ملاکي رصاصي وهما ركبوا عربيات تانية وطلعوا على بيت والدها.
س: هل أكرهك المتهمون لاصطحابك للمنزل خاصتهم؟
ج: ايوة.
س: ما هو طبيعه ذلك الإكراه؟
ج: كلهم اتلموا عليا وضربوني وهددوا أهلي لو حد ادخل هيضربوه ومسكوني غصب عني وخدوني على بيتهم وفي واحد من أخواتها كان ماسك سنجة.
س: ما وسيلة اصطحابك لمكان الواقعة؟
ج: هما ركبوني عربية رصاصي ملاكي ومش عارف أرقامها.
س: ما وصف المكان الذي اصطحبك المتهمون إليه؟
ج هو بيت مكون من دور أرضي و3 أدوار علوية والمدخل أرضية رخام وفيها سلالم.
س: ما الأفعال التي نفذها المتهمون حال اصطحابك للمنزل محل الواقعة؟
ج: كلهم كانوا بيضربوني ولما راحوا البيت قلعوني هدومي غصب عني وجاب قميص نوم -بدلة رقص- ولبسوهالي وصوروني ونزلوني الشارع وأنا لابسها.
