كل الناس عايزين يبقوا نجوم واسمهم يتكتب.. آسر ياسين ودينا الشربيني يردان على جدل تتر مسلسل اتنين غيرنا
رد الفنان آسر ياسين، والفنانة دينا الشربيني، على الجدل الذي انتشر مؤخرًا بسبب تتر مسلسل اتنين غيرنا، الذي يعرض حاليًا في السباق الرمضاني، حيث اتفق طاقم العمل على عدم ذكر أسماء بطلي العمل على التتر.
سر ياسين ودينا الشربيني يردان على جدل تتر مسلسل اتنين غيرنا
وقال آسر ياسين، في لقائه مع القاهرة 24: إحنا زي الفل وعملنا المسلسل، وكل الناس عايزين يبقوا نجوم واسمهم يتكتب على التتر، بس أنا ودينا عايزين نشتغل مع بعض، إحنا فكرنا نعمل فيديو وبعدين قررنا نسيب الموضوع لأنه بيبقى تصيد من السوشيال ميديا.
ومن جانبها ردت دينا الشربيني، على جدل تتر مسلسل اتنين غيرنا، في لقائها مع القاهرة 24، قائلة: آسر عايز يشتغل مع ممثلة بيحب تمثيلها وشغلها وأنا نفس الحاجة، فأكيد مش الاسم اللي هيوقفنا، وإحنا ضحكنا على التعليقات اللي اتكتبت.
تتر مسلسل اتنين غيرنا
وسبق وطرحت الجهة المنتجة لمسلسل اتنين غيرنا تتر العمل، دون ذكر اسمي الفنانة دينا الشربيني والنجم آسر ياسين بطلي المسلسل، وظهر التتر في البداية معتمدًا على المشاهد الدرامية والموسيقى التصويرية فقط، دون وضع أسماء النجوم على الشاشة، وهو ما اعتبره البعض توجهًا فنيًا جديدًا يركز على العمل ككل، بدلًا من إبراز الأسماء بشكل تقليدي، أو لوجود خلافات، وعلم القاهرة 24، أن صناع العمل قرروا من البداية عدم وضع أسماء نجوم على التتر.
