محمود علاء يكشف حقيقة انتمائه لـ الأهلي.. وكواليس تسببه في هدف القاضية
علق محمود علاء مدافع الزمالك السابق، على ما ذكره شقيقه في وقت سابق عن انتمائه للنادي الأهلي، كما كشف كواليس رد فعله بعد تسببه في هدف القاضية الشهير بمباراة نهائي القرن بين الأهلي والزمالك، ببطولة دوري أبطال إفريقيا عام 2020.
محمود علاء يكشف حقيقة انتمائه لـ الأهلي.. وكواليس تسببه في هدف القاضية
وفي تصريحات مع الإعلامي أحمد شوبير قال محمود علاء: أنا طول عمري زملكاوي، وروحت نادي الزمالك بإرادتي، وكل واحد بييجي يختار نادي له حساباته وانتماءاته وتفكيره وشايف مستقبله إزاي، أنا كمحمود كنت شايف كل ده في نادي الزمالك وكان بالنسبة لي المرحلة دي نقلة كبيرة في حياتي فعلا.
وعلق محمود علاء على تصريح شقيقه والذي أشار فيه إلى أن انتماء لاعب الزمالك السابق بالأصل للأهلي: تصريح أحمد علاء أخويا طبيعي، هو كان وقتها لاعب في النادي الأهلي.
وواصل لاعب الزمالك السابق قائلا: الكلام اللي بيتقال كتير والناس بتحب تصطاد في المياه العكرة، فلا يعقل إن حد يقولك ده أهلاوي أو زملكاوي، في الآخر ده شغلك ومجهودك والمكان اللي بتختاره بإرادتك.
وتحدث محمود علاء عن كواليس مباراة نهائي القرن أمام الأهلي قائلا: احنا دخلنا الماتش ده واحنا في فترة الكورونا وقبل الماتش بيوم المسحات جت إيجابية للونش وأوباما وعبدالله جمعة، ودول لوحدهم أقوياء جدا خاصة اتنين في الضهر الونش وعبدالله، فـ المدرب دخل عبدالغني وأحمد عيد واسلام جابر.
وعن الخطأ الذي ارتكبه في المباراة وتسبب في استقبال شباك الزمالك هدف القاضية الشهير من أفشة لاعب الأهلي، قال محمود علاء: أنا قد المسئولية في كل حاجة وطول عمري بواجه أي حاجة لكن لو حاجة من صناعة البشر مش هقدر اتكلم فيها، على فكرة عدى على الموضوع ده 6 سنين وعمري ما اتكلمت فيه، اللي حصل مش تقصير مني لكن أنا تحملت تبعاته وخرجت منه واقف على رجلي لكن الحقيقة وقتها هو كان كبير عليا جدا.
