أحمد رمزي: فخر الدلتا مختلف عن محتوايا على السوشيال ميديا.. ومظلمتش نفسي بسبب الـ30 حلقة
تحدث الفنان أحمد رمزي عن انتقادات تقديمه عمل مكون من 30 حلقة في موسم رمضان الجاري، إلى جانب كشفه حقيقة تشابه مسلسل فخر الدلتا بالمحتوى الذي يقدمه على السوشيال ميديا.
وقال أحمد رمزي في لقاؤه مع القاهرة 24: اللي قال إني ظلمت نفسي في عمل من 30 حلقة ده لسه متفرجش على مسلسل فخر الدلتا، لازم نتفرج الأول وبعدها نحكم مين ظلم مين، أنا شاب عندي 28 سنة، دي أول تجربة ليا.
وتطرق في حديثه عن وجود “الإسكتشات” في مسلسله فخر الدلتا، وهو مثل ما يقدمه عبر السوشيال ميديا، معلقًا: فكرة أن العمل شبه المحتوى اللي بقدمه على السوشيال ميديا، طب ما المسلسل ده كونتنت برده، ما أنا ممكن أتفرج على مسلسل من نيتفليكس 6 دقايق، هل كده شبه الكونتنت؟.
واختتم: أي محتوى في الدنيا ناس بتحبه وناس لا، ولو المسلسل شبه محتوايا عادي يعني شبه حاجة برده كويسة، وده مش حاصل بحس اللي بيقول كده شخص شاف مشهد بس.
مسلسل فخر الدلتا
مسلسل فخر الدلتا من بطولة عدد من نجوم الفن بجانب أحمد رمزي، منهم: الفنان كمال أبو رية، الفنانة تارا عبود، انتصار، حنان يوسف، وأحمد عصام السيد، أحمد صيام، تأليف عبد الرحمن جاويش، إخراج هادي بسيوني، بالإضافة إلى ظهور عدد من ضيوف الشرف، أبرزهم الفنان أشرف زكي وشيكو وحازم إيهاب وأحمد حاتم.
