مجدي عبد الغني: أنا نجم كبير في الأهلي غصب عن التخين.. ونفسي ياسين منصور يبقى رئيس النادي
يرى مجدي عبد الغني نجم الأهلي ومنتخب مصر الأسبق، أن غرفة ملابس الأحمر مليئة بالمشاكل، وأن أحمد سيد زيزو نجم الفريق لاعب فذ، مع إعلانه أنه لن يخوض الانتخابات إطلاقًا.
تصريحات مجدي عبد الغني
وفي تصريحات إذاعية، قال مجدي عبد الغني: غرفة ملابس الأهلي بايظة، الهزائم التي تحدث لـ الأهلي بسبب أن اللاعبين لا يحبون بعضهم البعض، لا بد أن تكون النفوس سالكة لكي تسير الأمور، وزيزو لاعب فذ بس محدش في الأهلي عارف يطلع اللي عنده، ومن وقت تعاقد الأهلى مع زيزو وتريزيجيه والدنيا اتقلبت في أوضة اللبس.
وأضاف: قرار منح صلاحيات لـ ياسين منصور وسيد عبد الحفيظ حبر على ورق، مفيش حاجة هتحصل، الأمور تسير في النادي بالاعتماد على أهل الثقة وليس أهل الكفاءة والخبرة.
وأشار مجدى عبد الغني: يهمني مصلحة الأهلي، فيه ناس ماسكة مناصب في الأهلي مش بتشجع الأهلي، وأنا لن أخوض انتخابات الأهلي إطلاقا، العملية مبقتش انتخابات وأنا مش عايز اللعبة دي.
وأردف: أنا مبروحش الأهلي خالص، معنديش وقت ومحبش أروح مكان مش مرتاح فيه، أنا نجم كبير في الأهلي غصب عن التخين، ومش بيتم دعوتي لأي مناسبة ودا تقصير من المسؤولين وبيقلل منهم ويقزمهم مش مني أنا، ببعت حد بس يجدد الاشتراك وخلاص.
وعن الخطيب، أكد مجدي عبد الغني: هيديكوتى قرر سنة 89 إن الخطيب يبقى كابتن الأهلي ومفيش أقدمية، وحصل ثورة بسبب القرار دا، لأننا طول عمرنا ماشين على نظام، مينفعش لاعب عشان حريف يبقى الكابتن، إحنا لعبة جماعية مش لعبة فردية وفى نظام أقدمية، ووقتها لو حسن حمدي موقفش للموضوع دا كان الأهلى وقع.
وأتم: ياسين منصور ناجح في كل المشروعات التي دخلها وانا بحبه ونفسى يبقى رئيس الأهلي، هو بيجيب فريق عمل يشتغل معاه، مش بياخد كل حاجة ليه هوا وبس.
