نفسنا في موبايل.. فيديو لصغيرين يبيعان الفراولة يثير إعجاب السوشيال ميديا: بنحوش فلوسنا وبندفع منها للدرس
أثار مقطع فيديو نشر عبر منصات التواصل الاجتماعي، لصغيرين يعملان في بيع الفراولة في شوارع الكوربة في منطقة مصر الجديدة، إعجاب السوشيال ميديا، حيث ظهر في الفيديو ولدان في سن صغير يحملان مسؤلية كبيرة تفوق سنهما.
فيديو لصغيرين يبيعان الفراولة يثير إعجاب السوشيال ميديا: بنحوش فلوسنا وبندفع منها للدرس
وخطف الصغيران عمار وزياد أنظار السوشيال ميديا بعد انتشار الفيديو العفوي الذي ظهرا فيه، وحديثهما التلقائي عن طبيعة عملهما وأحلامهما وأمنياتهما، حيث قال أحدهما: الفلوس كلها بنعطيها لماما وناخد منها مصروف، مصروفنا 20 جنيه في اليوم.
وأضاف الصغيران: في إجازة الصيف بنحضر للسنة الدراسية الجديدة، وبنحوش فلوسنا مع بعض في الحصالة، وبندفع منها فلوس الدرس وبالباقي بنجيب حاجة نأكلها، نفسنا كل واحد فينا يكون معاه موبايل، دا يبقى كرم كبير من ربنا لو بقى عندنا موبايل نذاكر عليه ونجيب عليه امتحانات ونعرف منه النتيجة، إحنا بنخلص الشغل الساعة 7 بالليل وبنرجع البيت عشان الجو برد.
وأضاف الصغيران عمار وزياد: اللي يفرحنا نكون جنب ماما وبابا ولازم نساعدهم.
وتفاعل عدد كبير من مستخدمي منصات التواصل الاجتماعي، مع فيديو الصغيرين عمار وزياد، وخاصة أن لديهم ملامح بشوشة وحوار عفوي، وتظهر عليهما علامات تحمل المسؤلية.
