محمد نجاتي: اتكلمت عن خطورة شركات القروض منذ 4 سنوات.. وسبت فلوس ومجد رهيب علشان الشغلانة غلط
قال رائد الأعمال محمد أبو النجا نجاتي إنه منذ 4 سنوات تحدث عن خطورة شركات القروض، وعن تأثيراتها السلبية التي دمرت آلاف المنازل، معلقًا: «يشهد الله إني اتكلمت في الموضوع ده من 4 سنوات وتم التنكيل بيا، واتهموني إني اترفدت وبداري الرفد وكلام غريب، والحقيقة إني اعترضت على كل ده وسبت فلوس ومجد رهيب علشان الشغلانة غلط في رأيي، وكل من هب ودب عمل BNPL وبهدلونا».
اتكلمت عن خطورة شركات القروض منذ 4 سنوات
وتابع رائد الأعمال محمد نجاتي، عبر حسابه الشخصي على إكس، أن البنوك تقرض الأغنياء لينفذوا مشروعات ويردوا تلك الأموال، مضيفا: لكن الست الغلبانة اللي بتستلف علشان تجوز بنتها وتدفع جنيه علي الجنيه وتعطل فتستلف من شركة تانية علشان تدفع وتتهدد بالحبس ويتشهر بيها وكل جريمتها إنها عايزة تجوز ولادها يا عيني.. والابن اللي راح اشترى بالقسط تليفون مش محتاجه أصلا... بس معاه رصيد يشتري بيه فالأب باع أساسيات علشان يسدد مكانه.
وذكر: «بقى الأنقح اللي بيستلف فلوس يراهن بيها على الماتشات! شكرًا إن الموضوع رجع تاني... بكرة هيكلّموني يهددوني تاني زي زمان... لو حصلّي حاجة اعرفوا إني اتكلمت في القصة دي من الأول بالله عليكم، وربنا يحفظنا جميعًا ويستر علينا ويحفظ مصر وأهلها الطيبين».
