عايز حد يتبنى حالتي.. شاب يستغيث للعلاج من حالة مرضية خطيرة: مش قادر أشتغل ولا أرجع لحياتي
استغاث شاب يدعى محمد شوقي لعلاجه من حالة مرضية خطيرة، حيث ظهر في مقطع فيديو له عبر حسابه بموقع التواصل الاجتماعي فيسبوك، يناشد بتبني حالته وعلاجه.
وقال الشاب محمد شوقي، صاحب ال 38 عامًا، نفسي حد يتبنى حالتي ويعالجني، أنا بقيت ثقيل على الناس كلها، مبقتش عارف أعيش فقدت الشغف في الحياة، محدش عارف فيا إيه وبعاني من المرض، ومش عارف أعمل إيه.
عايز حد يتبنى حالتي.. شاب يستغيث للعلاج من حالة مرضية خطيرة: مش قادر أشتغل ولا أرجع لحياتي
وأضاف الشاب محمد شوقي: أنا عايش على الأدوية والمسكنات، وبشرب الأدوية طول الوقت عشان أقدر أتحرك، ومبقتش قادر أخرج من البيت، وبعاني من الاكتئاب بسبب مرضي.
واستكمل الشاب محمد شوقي، صاحب الاستغاثة لعلاجه من حالة مرضية خطيرة: بشتري مستلزمات طبية وأدوية وغيارات للجروح اللي في جسمي بـ 12 ألف جنيه في الشهر، عايز أدخل المستشفى وحد يتبنى حالتي وعلاجي، بغير على الجروح يوميًا حتى المحلول الملحي بشتريه بالجملة.
واختتم: نفسي أرجع بني آدم وأخف وأشتغل وأصرف على نفسي، أهلي تعبوا معايا أنا عندي 38 سنة وباخد مصروف ومش قادر أشتغل.
