بعد جدل مستشفى الشاطبي| أمين مساعد نقابة الأطباء: وجود جهة آمنة لتلقي شكاوى السيدات والبنات وحمايتهن مبقاش رفاهية
قال الدكتور خالد أمين، الأمين العام المساعد لـ نقابة الأطباء، إن السيدات بشكل عام يتعرضن لعنف كبير بشكل حقيقي، حسب قوله، ويأتي ذلك بعد الجدل المثار خلال الساعات الماضية بعد نشر عدد من الأطباء روايات صادمة حول واحد من المستشفيات الجامعية بالإسكندرية، حيث تضمنت هذه الروايات مزاعم عن التعامل غير اللائق وبشكل غير إنساني من المرضى خصوصا النساء الخاضعات لعمليات الولادة، فيما زعمت روايات أطباء آخرين التعامل غير اللائق من قبل أساتذة بهذا المستشفى مع أطباء الامتياز وصلت لحد الإهانات والتعديات الجسدية.
أمين مساعد نقابة الأطباء: وجود جهة آمنة لتلقي شكاوى السيدات والبنات ليس رفاهية
وفي منشور له عبر صفحته الشخصية بموقع التواصل الاجتماعي «فيس بوك»، أشار أمين إلى أهمية وجود مكان يمثل جهة آمنة لتلقي شكاوي السيدات والفتيات وحمايتهن، مردفًا: «بقالي فترة طويلة بحاول أشارك في تأسيس وحدة للمرأة الآمنة في واحدة من اهم المستشفيات، مش علشان موجة النسوية اللي البعض ممكن يتهمني اني بجاريها، ولكن لان السيدات بشكل عام بيتعرضوا لعنف كبير بشكل حقيقي».
وتابع الأمين العام المساعد لـ نقابة الأطباء: «مفيش حد لوحده متهم لكن من اول الاهالي اللي بيعملوا ختان لبناتهم مرورا بالتحرش اللي بيتعرضوا ليه في الشوارع والتعديات الجنسية في المجمل والعنف الأسري والعنف القائم على النوع ومرورا بالمستشفيات ونقص بعض مسكنات الالام وحقن الابيديورال اللي مش موجودة والخصوصية المعدومة ونقص عدد الأطباء والتمريض مقارنة بحجم العمل وحتى كمان السلوكيات المرفوضة واللي أحيانًا ممكن تبقى جرايم».
وأضاف أمين: "وجود مكان بيمثل جهة آمنة لتلقي شكاوى السيدات والبنات وحمايتهن وبيشتغل ببروتوكولات علمية وطبية وقانونية وإنسانية سليمة وبيحيل الشكاوى لجهات اختصاص وبيتعامل ويعالج ويوجه، ده مبقاش رفاهية.. فيه عندنا اكثر من عشرين وحدة مرأة آمنة في كثير من الأماكن في مصر، أتمنى أقدر أنفذ المشروع ده.
