فخور برؤية منتخب بلدي.. أول تعليق من عامل الدليفري بعد تصدره التريند باحتفاله باستقبال المنتخب في العلمين| خاص
تصدر فيديو لعامل دليفري خلال مروره في احتفالية بعثة المنتخب الوطني بالعلمين حيث خطف الشاب الأنظار بعد توجيهه رسالة للمنتخب خلال سيرة قائلًا: شرفتونا وتحيا مصر.
أول تعليق من عامل الدليفري بعد تصدره التريند باحتفاله باستقبال المنتخب في العلمين
وقال الشاب في تصريحات لـ القاهرة 24: المنتخب عمل بطولة جميلة وكنت فرحان من قلبي، وبوجه كلامي وشكري للعميد وكل الناس اللي فرحتنا.
كنت بوصل أوردر ولقيت الموكب معدي بالصدفة وعشان أوصله كان الموضوع صعب
مستكملًا: بحب كل اللاعيبة وكان نفسي صوتي يوصلهم وعملوا بطولة جميلة وأنا مبسوط جدا، ومكنتش أعرف إني بتصور بس فرحت جدا لما شوفت الفيديو بتاعي بقى تريند، ومكنتش فاكر إن صوتي ممكن يوصل أو فرحتي توصل.
وأضاف: فرحان من قلبي بمنتخب بلدي وفعلا مكنتش مصدق نفسي إني ممكن رسالتي توصل للناس واتاخرت بالأوردر زي ما الناس بتقول وفعلا كانت الفرحة مش سيعاني إني شوفتهم واتبسطت جدا إنهم سمعوني وبحب كل اللاعبين منتخبنا ومؤمن بقدراتهم.
