أحمد فتوح: خالي كان تعبان فعلًا لما رحت حفلة راغب علامة.. وإمام عاشور ضحك عليا وقالي ماحدش هيصورك
تحدث أحمد فتوح، لاعب نادي الزمالك، عن أزمة حضوره حفل راغب علامة رفقة إمام عاشور، لاعب النادي الأهلي، وذلك بعدما أعتذر فتوح وخرج من معسكر الزمالك بسبب مرض خاله.
وقال أحمد فتوح، في لقائه مع الإعلامية ياسمين عز: خالي كان تعبان فعلًا ولكن أنا بعد كده خرجت بقى ومكنتش أعرف أنهم بيصوروني، إمام عاشور ضحك عليا وقالي ماحدش هيصورك، وخصموا مني المليون جنيه غرامة واتضايقت على الفلوس.
أحمد فتوح: مبيفرقش معايا المباراة كبيرة أو صغيرة ومبهيبش حد
كما رد فتوح، على سؤال ياسمين عز، حول ما كان سيفعله إذا شارك في مباراة الأرجنتين أمام ميسي، قائلًا: مبفكرش في الحاجات دي أنا بلعب عادي، أنا بنزل الماتش كبير أو صغير الماتش بالنسبة ليا واحد مبيفرقش معايا حد ومبهيبش حد.
أحمد فتوح: زيزو مكنش زعلان في الملعب
أما عن شائعات غضب زيزو في الملعب، فعلق أحمد فتوح: زيزو مكنش زعلان في الملعب، وأي حد مبيلعبش بيبقى متضايق، وحتى لو لاعب زعلان مبيظهرش ده لأن اللي بيلعب مكانك أخوك لو بينت له أنك زعلان تبقى مبتحبوش.
