حق الرد.. سائق التوكتوك في واقعة الصحفية عبير المرسي قبل القبض عليه: تفت عليا وشتمتني
خرج محمود حسين، سائق التوك توك طرف واقعة المشاجرة مع الصحفية عبير المرسي، عن صمته للمرة الأولى، ليروي روايته بشأن الواقعة قبل أن يتم القبض عليه بسبب التعدي على الصحفية عبير المرسي، مؤكدًا أن ما نسب إليه من اتهامات لا يعكس حقيقة ما حدث من وجهة نظره.
وقال محمود حسين، في تصريحات خاصة لـ القاهرة 24: الصحفية اتبلت عليا وقالت إننا شتمتها، وأنا مش غلطان، ورجعت عليا بالعربية ولفظت ألفاظ خارجة، والكلام ده حصل قدام الناس.
وأضاف: "حتى هي قالت محدش وقف معايا، مع إن الناس لو كانت شافت إنها صح كانت وقفت معاها عشان هي واحدة ست، محدش هيجي عليها، إنما الناس جم غلطوها".
وتابع: "الفيديو اللي بيقول إني خبطها بالتوك توك، هي فضلت تشتم بألفاظ خارجة، وكان فيه ست منقبة زبونة معايا في التوك توك، فضلت تشد فيا عشان أسكت وركبتني في التوك توك".
واستكمل: "جت الصحفية وقفت قدام التوك توك وتلفظت بألفاظ خارجة وهددتني إنها هتهني قدام الناس، وتفت عليا وكانت عايزة تضربني".
