دفاع المتهم الثاني في قضية قتل رجل أعمال يستأنف على حكم سجن موكله 10 سنوات
تقدم دفاع المتهم الثاني في قضية قتل رجل أعمال داخل كومباوند بالتجمع باستئناف على الحكم الصادر ضد موكله بالسجن 10 سنوات، وذلك على خلفية اتهامهم بإنهاء حياة المجني عليه وتقطيع جثمانه ووضعه في الثلاجة.
قضية قتل رجل أعمال بالتجمع
وبمثول المتهم الثاني أمام جهات التحقيقات المختصة في القضية، وبسؤاله حول ما هي تفصيلات أقواله بشأن الواقعة؟ أجاب: اللي حصل إن محمد صاحبي من زمان ونزلنا يوم العيد اتمشينا ولقيته طلب مني يقابلني تالت يوم العيد على قهوة في الحي العاشر في الشارع الجديدة، ولقيته بيقولي فيه واحد تعدى على واحدة كانت شغاله عنده وإحنا هنروحله عشان نمضيه على عقد الجواز ونخوفه ونرجع تاني.
وواصل: قال شوف كدة هنروحله امتى ونخلص الموضوع ده وقالي ماتخافش مفيش حاجة هتحصل إحنا بس هنمضيه على عقد الجواز وهنمشي، ويوم الجمعة اللي بعد العيد لقيته بيكلمني في التليفون وبيقولي أنت هتجيلي بكرة السبت الساعة 7 الصبح وروحتله فعلا عند بيته يوم السبت الساعة 7 الصبح، واداني عصايتين بيسبول واحدة حديد وواحدة خشب وكان معاه شنطة سوداء قالي إن فيها عدة كاميرات عشان لو حد سألنا هنقوله كدة وأنا قولتله هناخد العصايتين دول ليه هو إحنا رايحين نتخانق قالي عشان لو حصل حاجة نخوفهم بس مش أكتر من كدة فقولتله ماشي.
وأضاف: وبعد كده لقيته طلب عربية ومشينا ولقيته ودانا ناحية التجمع الأول ولقيته بيقولي هو المشوار كله نص ساعة وهنروح نمضي الراجل على عقد الجواز وهنرجع على طول، ووصلنا والعربية نزلتنا قدام باب الفيلا وكانت حوالي الساعة 7:30 الصبح ونزلنا ودخلنا الفيلا وطلعنا على الدور الثاني بعد الأرضي، وقبل ما نطلع قال خبط أنت على الباب وأنا هقف من الناحية الشمال علشان ميشوفهوش وطلعنا على الشقة وخبط على الباب مرتين لقيته بيرد عليا من جوه قالي مين قولتله أوردر ولما فتح الباب لقيت محمد رزع الباب برجله ودخل على الراجل وخبطه بعصا البسيبول على راسه.
وأردف: لما لقيته بيزعق وبيقول يا ولاد الكلب روحت ضربته بالعصا الخشب اللي كانت معايا على كتفه اليمين ومحمد راح موقعه على الأرض جنب الحمام واتفاجئت بدم على إيد محمد ولقيت سلاح أبيض في إيد الراجل دا ومحمد خطفه منه وراح طعنه بيه في جنبه وكان صاحي وراح طعنه تاني في كذا حته في جسمه لحد ما الراجل سكت خالص.
وأردف: أول ما شوفت الراجل سكت خالص قولتله إيه يا محمد دا ولقيته بيقولي خلاص امشي أنت فقولتله أنت كده حطيتنا خلاص تفيد بإيه أنزل دلوقتي ولقيته فعلا راح بص من البلكونة ولقى فيه واحدة بتمسح عربيات قدام الفيلا فقالى 5 دقايق وامشي عشان فيه واحدة في الشارع أول ما تمشى هطلبلك عربية وأنا هخلص كل حاجة وفعلا طلبلي عربية وأول ما وصلت بص على الشارع وبص من العين ملقاش حد وقالي امشي وكنت مكملتش نص ساعة جوه الشقة وكان معايا نضارة شمس سوداء لبستها ونزلت ركبت العربية ومشيت على الدويقة عند بلاي ستيشن عند واحد صاحبي وقعدت مع صاحبي دا لحد الساعة 9:30 الصبح.
