أمير محروس يفجر مفاجأة عن ألبوم «حبيتك»: استخدمنا الـAI لدرجة إنه اشتكى من عمرو دياب وهنّج
كشف مهندس الصوت أمير محروس تفاصيل وكواليس استخدام الهضبة عمرو دياب للذكاء الاصطناعي في ألبوم حبيتك، مشيرًا إلى أنه كان عاملًا مساعدًا فقط في صناعة الموسيقى.
أمير محروس يكشف كواليس ألبوم حبيتك
وقال أمير خلال لقائه مع القاهرة 24: عمرو دياب إدى فرصة لـ AI إنه يدخل معاه جوا الألبوم بتاعه؛ لأن فيه أغاني فيها شراكة لـ AI في الميوزيك، مع إخواتنا الموزعين المحترفين الجامدين اللي موجودين جوا الألبوم زي أحمد إبراهيم وأسامة الهندي وعادل حقي.
وأكد أمير أن استخدام الذكاء الاصطناعي كان عاملًا مساعدًا فقط في صناعة الموسيقى وليس في تسجيل الغناء أو الألحان أو حتى كتابة الكلمات، مضيفًا: استخدمناه في الموسيقى بس، مش في الكلمات ولا الألحان ولا الغناء، كل ده طبيعي، وكان استخدامه رتوش فقط، وده ذكاء من عمرو دياب.
وأردف أمير محروس: عمرو دياب وصل إن الـ AI نفسه اشتكى منه، والله اشتكى منه، ده إحنا في أسبوع هنّج، الأكونتات بتاعة الـ AI اللي الهضبة مدخلنا معاه عليها هنّجت.. لدرجة إنه شك فينا إن إحنا اللي مهنّجينه عشان خاطر ميكملش شغله أو ناخد بريك شوية.
ألبوم حبيتك لـ عمرو دياب
يتكون ألبوم حبيتك لـ عمرو دياب من 12 أغنية، وهي: أغنية حبيتك، أغنية الألوان، أغنية غيابه فرق، أغنية وإنتي جنبي، أغنية لولا البنات، أغنية 12 بالليل، أغنية المفضل، أغنية جيتلك، أغنية اتأخر عتابنا، أغنية سلام كبير، أغنية بحاول، أغنية أنا معاك.
