اليوم.. محاكمة المتهمين بدهس هدير بائعة الشاي في حدائق الأهرام
تنظر المحكمة المختصة، اليوم الخميس، ثاني جلسات محاكمة المتهمين في واقعة دهس هدير بائعة الشاي بحدائق الأهرام في الجيزة.
محاكمة المتهمين بدهس هدير بائعة الشاي في حدائق الأهرام
وكشفت التحقيقات في القضية رقم 1514 جنح طفل الأهرام لسنة 2026، والخاصة بوفاة هدير محمد بائعة الشاي، بعد ما صدمتها سيارة، ما تسبب في إصابتها بإصابات بالغة أودت بحياتها، أقوال المتهمين.
وحصل القاهرة 24 على نص التحقيقات، وأقوال الشاب مروان المتهم في واقعة دهس هدير بائعة الشاي أمام جهات التحقيق والتي جاءت كالتالي:
س: ما ظروف ضبطك وعرضك علينا؟
ج: اللي حصل أنا كنت خارج بالعربية بتاع والدي وبلف في حدائق الأهرام، وكنت رايح أجيب حاجة من شارع جاردينيا، ومعايا زميلتي اللي اسمها جودي، وبعدين بدلنا الكراسي في النصف عشان هي قالتلي عاوز أسوق وأجرب السواقة فأنا سبتها تركب مكاني وساقت حتة صغيرة وفجأة لقيتها فقدت السيطرة على العربية، ودخلت في عربية بتاع قهوة كانت واقفة على جنب الطريق والبنت اللي كانت واقفة بتبيع القهوة ماتت، والعربية اتكسرت وطلعت بالعربية أدام ولقينا الأهالي اتلمت ومسكونا.
س: متى وأين حدث ذلك؟
ج: الكلام ده حصل يوم 2026/9/18 الساعة 5.30 مساءً في شارع الجيش، في منطقة حدائق الأهرام بالجيزة.
س: ما سبب ومناسبة وجودك بالزمان والمكان سالفي الذكر؟
ج: كنت رايح أجدد اشتراك الجيم.
س: من كان رفقتك آنذاك؟
ج: كان معايا زميلتي اسمها جودي.ه.س.
س: ما هي علاقتك بسالفة الذكر؟
ج: إحنا زملاء في نفس المدرسة.
س: منذ متى بدأت تلك العلاقة؟
ج: من 6 سنوات وإحنا زملاء وبنخرج مع بعض.
س: ملك من السيارة محل قيادتك الرقمية؟
ج: العربية بتاع والدي.
