وصول المتهمين بدهس هدير بائعة الشاي في حدائق الأهرام إلى المحكمة لنظر جلسة محاكمتهم
وصل منذ قليل إلى محكمة جنح الطفل بالسادس من أكتوبر، مروان وجودي، المتهمين في واقعة دهس هدير بائعة الشاي بحدائق الأهرام في الجيزة، لنظر ثاني جلسات محاكمتهم.
وصول المتهمين بدهس هدير بائعة الشاي في حدائق الأهرام إلى المحكمة لنظر جلسة محاكمتهم
كشفت التحقيقات في القضية رقم 1514 جنح طفل الأهرام لسنة 2026، والخاصة بوفاة هدير محمد بائعة الشاي، بعدما صدمتها سيارة، ما تسبب في إصابتها بإصابات بالغة أودت بحياتها، أقوال المتهمين.
واقعة دهس هدير بائعة الشاي
وحصل القاهرة 24، على نص التحقيقات، وجاءت أقوال مصورة فيديو حادث واقعة هدير بائعة الشاي أمام جهات التحقيق، بسؤالها ما معلوماتك بشأن الواقعة محل التحقيق؟
ج: اللي حصل إني كنت في المحل اللي بشتغل فيه، سمعت صوت خبطة جامدة وصويت ناس، فخرجت أجري، لقيت في حادثة كبيرة في الجانب التاني، فأنا جريت خفت ليكون حد من ولادنا في الحادثة، فلقيت البنت المتوفاة على الأرض، والبنت التانية المصابة اللي اسمها كنزي بتقول الحقونا، البنت كانت هي اللي سايقة وعايزين يهربوها، الحقونا، روحت أنا مطلعة تليفوني وصورت الفيديو بناءً على إن كنزي هي اللي قالت إن هي كانت سايقة وإن الولد عايز يهربها، بس أنا مشفتش الحادثة من الأول، ولما رجعت المحل، جت كنزي ورايا وخدت مني الفيديوهات اللي صورتها على أساس إنها هتاخدها على النيابة، بس هي شيرتها على الفيس بوك، وهو ده كل اللي حصل.
س: متى وأين حدث ذلك؟
ج: الكلام ده حصل أول الخميس 2026/6/18 الساعة 4:20 مساءً، في شارع الجيش قدام جامع العوضي، حدائق الأهرام - الهرم - الجيزة.
س: من كان برفقتك آنذاك؟
ج: أنا كان معايا ناس كتير.
س: ما سبب ومناسبة تواجدك بالزمان والمكان سالفي الذكر؟
ج: الحادثة كانت قدام المحل اللي بشتغل فيه.
س: ما هي صلتك وعلاقتك بأطراف الواقعة؟
ج: أنا معرفش المتهمين، بس البنت اللي ماتت كانت بتشتغل على عربية شاي قدام المحل اللي بشتغل فيه، في الجانب التاني من الطريق.
س: من القائم بتصوير مقطع الفيديو المنتشر على موقع التواصل الاجتماعي؟
ج: أنا اللي مصوراه، وأنا اللي بتكلم في الفيديو، بس اللي رفعه على الفيس بوك المجني عليها التانية، البنت اللي اسمها كنزي.
