سامو زين: مفيش حد نمبر وان ولا أعلى استماع.. سيب الجمهور يصدرك
علق الفنان سامو زين، على جدل الأعلى استماعًا وتصدر التريند، موضحًا أنه لا يرى أن الأمر حقيقيًا خاصة وأن الجمهور هو من يحكم من الأعلى استماعًا على حد قوله.
وقال سامو زين، في لقائه مع القاهرة 24: مفيش حد نمبر وان دلوقتي ولا الأعلى استماعًا أنت أعمل أغنية حلوة وسيب الجمهور اللي يصدرك، أسهل حاجة تعمل أرقام، ولكن صعب تستمر في وتبقى في قلوب الناس لأنك مابنتش مع الناس من البداية.
سامو زين عن استخدام الـAI في صور حفله الأخير: معركة والموضوع زاد عن حده
وفي وقت سابق، كشف سامو زين، عن وجهة نظره في الصورة التي التقطها مع الجمهور في حفله الأخير بالساحل الشمالي، والتي أثارت جدلًا واسعًا حول استخدامه للذكاء الاصطناعي من أجل زيادة عدد الجمهور في الصورة، قائلًا: شايف إن الناس حبوني زيادة شوية وإن المعركة بقيت جميلة والموضوع زاد عن حده، أن آه استخدمت الـ ai وشيلت كل الناس، زي ما شوفتوا في البوست الأخير، وحبيت أخلص أنا الموضوع ده تمامًا بعد ما لقيت الموضوع متركب بشكل غريب شوية وبقى فيه أبعاد تانية، فقولت أهزر وأعمل الصورة أنا.
وأضاف: حبيت أتجرأ في الموضوع ده وأتكلم عادي، طول عمره الموضوع عندي مفتوح بيني وبين جمهوري، مابخبّيش حاجة يعني، وتاني حاجة الموضوع لذيذ يعني وظريف، فحسيت إنه ليه لأ؟!.
