سامو زين: أنا مش موجود في ترتيب السوق.. اللعبة مش حقيقية
تحدث الفنان سامو زين، عن المنافسة بالوسط الفني، قائلًا إنه لا يحب أن يندرج في ترتيب النجوم بالوسط، وأنه لا يعتبر أن المقياس وراء الترتيب حقيقيًا.
وأضاف سامو زين، في لقائه مع القاهرة 24: أنا مش موجود في ترتيب السوق، أنا مبحبش أدخل في الترتيب لأني طول عمري عايش في الدوامة دي سنين طويلة، وقلت مش عايز أدخل في اللعبة دي تاني لأن الكلمة دي مبقتش حقيقية ومبقاش في حاجة اسمها رقم واحد، ممكن حد لسه بادئ يبقى رقم واحد، وده ليه قواعد كتير مش بس التريند، ولازم الفنان يتعامل مع السوشيال ميديا واللي يعرف يتابع ويذاكر نجاحه بيبقى ثابت.
سامو زين عن استخدام الـAI في صور حفله الأخير: معركة والموضوع زاد عن حده
وفي وقت سابق، كشف سامو زين، عن وجهة نظره في الصورة التي التقطها مع الجمهور في حفله الأخير بالساحل الشمالي، والتي أثارت جدلًا واسعًا حول استخدامه للذكاء الاصطناعي من أجل زيادة عدد الجمهور في الصورة، قائلًا: شايف إن الناس حبوني زيادة شوية وإن المعركة بقيت جميلة والموضوع زاد عن حده، آه استخدمت الـ ai وشيلت كل الناس، زي ما شوفتوا في البوست الأخير، وحبيت أخلص أنا الموضوع ده تمامًا بعد ما لقيت الموضوع متركب بشكل غريب شوية وبقى فيه أبعاد تانية، فقولت أهزر وأعمل الصورة أنا.
