خاطرت بحياتها.. أول تعليق من والد الفتاة صاحبة فيديو إنقاذ مصابي حادث مول أرابيلا بالتجمع | خاص
تداول مستخدمو السوشيال ميديا فيديو لـ فتاة خلال تدخلها بشكل عاجل لإنقاذ المصابين في حريق مول أرابيلا بلازا بالقاهرة الجديدة، الذي وقع أمس الخميس، انفجار أسطوانة هيليوم داخل محل Best For You بالبدروم، ما أسفر عن مصرع 3 أشخاص وإصابة آخرين.
أول تعليق من والد الفتاة صاحبة فيديو إنقاذ مصابي حادث مول أرابيلا
وقال والد الفتاة في تصريحات خاصة لـ القاهرة 24: بنتي طالبة في 3 كلية الطب كانت في المول مع صحبتها وقت الحريق لما حصل، وكانت وقتها بتدفع فلوس في مطعم والبطاقة البنكية من شدة الانفجار طارت منها.
وأردف: البنت اتحركت في الوقت اللي الناس كانت بتجري من الحريق بس هي مخافتش مكنتش شايفه حاجة قدامها، لما لقت واحد بينزف والمخ خارج من دماغه وناس بتنزف.
وأضاف: الناس كانت بتجري قدامها على قد مقدرت وقفت نزيف 3 أشخاص، ولحد دلوقتي بنتي في حالة صدمة من اللي شافته وعاشته امبارح، وعملت دورها وهي من المتوفقين في دراستها ويا رب أشوفها حاجة كبيرة.
واختتم: أنا فخور بيها والعيلة كلها مبسوطين بمجهودها في الموقف ده، واتصورت بعفوية وكان أهم حاجة عندها أنها تساعد الناس وتنقذهم مخافتش من أي حاجة لأن لقدر الله كان ممكن تتصاب أو يحصلها أي حاجة.
