البطولة مخلصتش.. “هاشتاج” يُشعل “تويتر” رغم خروج منتخب مصر (صور)
تصدر هاشتاج “البطولة مخلصتش” موقع التدوينات القصيرة “تويتر”، وذلك عقب الأزمة التي يشهدها المنتخب الوطني على خلفية خروجه من بطولة كأس الأمم الإفريقية لعام 2019، بخسارة فادحة أمام فريق جنوب إفريقيا واحد صفر.
النجاح لازم يستمر #البطولة_ماخلصتش @karimkhattab_
— ?ϺỖĤÃϺẸĎ ?? ЌÃϺẸĹ? (@menoman81) ٨ يوليو ٢٠١٩
وحمل الهاشتاج ردود فعل متابينه للجماهير المصرية ما بين الرفض والقبول لحضور المباريات، أعرب الكثيرون عن شعورهم بالخذلان من اللاعبين والجهاز الفني لكرة القدم.
#البطوله_ماخلصتش البطوله خلصت قبل بدايتها من الاختيارات الخاطئه والمقصوده بظلم فادح في اختيارات اللاعبين والكوسه والفاصوليا والباميا … ???
— Mohamed Fawzy Gomaa (@VmoFawzy) ٨ يوليو ٢٠١٩
بينما كان هناك فريق آخر حرص على تحفيز المتابعين للذهاب إل ستاد القاهرة، وتشجيع الفرق المفضلة سواء العربي أو الافريقية لحين انتهاء البطولة بشكل مشرف أمام العالم، وكتب أحد المتابعين: ” اااه وبتستمتع بيها ايه يعني مصر تخرج”.
#البطوله_ماخلصتش الرصاصة لا تزال في جيبي ☺ pic.twitter.com/N60MMbMUGs
— Sofia Ahmed (@sofiaas23) ٨ يوليو ٢٠١٩
وأضافت اخرى:” انا مش فاهمه الناس اللى بتنتقد محمد صلاح بتنتقده على ايه الراجل مأثرش موجود وسط لاعيبة مش مقدرة حجم المسؤلية اللى عليها بيباصى ليهم كور سهلة للجول على طول وهما بيستهبلو . ولو خدها لنفسه تقوله طماع ومافيش روح جماعية وبلا بلابلا. وكمان قدم اعتزار معجبكوش “.
إنت متخيل لو بدلنا الجماهير الكيوت اللى فى المدرجات بالألتراس بتاع الاهلى و الزمالك كان هيجرى ايه ! هتعرفوا فعلاً التشجيع الحقيقى، و وردة كان هيتعاقب عقاب يخليه يندم انه مجرد يفكر يعمل اللى عمله تانى. الكورة للجماهير.#البطوله_ماخلصتش
— Muhammad Magdy (@MuhammadMagdy91) ٨ يوليو ٢٠١٩
هى فعلا مخلصتش#كلنا_جزائر #البطوله_ماخلصتش pic.twitter.com/dYqhoQwkDh
— zizo casper (@Zizo_Casper) ٨ يوليو ٢٠١٩
محمد الشناوي يوجه رسالة للجماهير عقب وداع أمم إفريقيا: الإعتذار وحده لايكفي
ووجه محمد الشناوي حارس مرمى منتخب مصر والنادي الأهلي رسالة للجماهير عقب خروج الفراعنة من بطولة أمم إفريقيا 2019 من دور الـ16 من أمم إفريقيا.
وودع منتخب مصر نهائيات مم إفريقيا من دور الـ16 عقب الهزيمة أمام جنوب إفريقيا بهدف نظيف في المباراة التي أقيمت بينهما مساء السبت الماضي على ستاد القاهرة الدولي.
وكتب الشناوي عبر حسابه الشخصي على موقع التواصل الاجتماعي “إنستجرام”: “عايز أعتذر لكل الجمهور اللي شجعنا ووقف في ضهرنا سواء في المدرجات أو في البيوت والشوارع”.
وأضاف: “أحلى حاجة في الكورة هي فرحتكم بينا ولما مبنقدرش نحققها ده بيبقى صعب علينا جدًا”.
وتابع: “ربنا شاهد إن الواحد بذل أقصى جهده في كل ماتش عشان متروحوش زعلانين ونقدم صورة مشرفة للبلد وكورة ممتعة”.
وأتم: “الاعتذار مش كفاية بس ده اللي نقدر نقدمه دلوقتي مع وعد إننا نتعلم من كل غلطة مرينا بيها ونرجعلكم البطولة الجاية جديرين بجمهور عظيم زيك”.