هاني رمزي: “وقفت في البرلمان عشان جملة هاريها بوس وقولتلهم دي تبقى مشكلة لو مبتبوسوش”
واجه الفنان هاني رمزي العديد من المشاكل جراء طرح فيلم “أبو العربي” وتحدث عن كواليس ذلك الفيلم على غرار ندوة أقامتها كلية الحقوق جامعة القاهرة بعنوان “صورة المحامي في الدارما المصرية” بحضور أخوته إيهاب وأمير رمزي وإبراهيم أبو ذكري رئيس اتحاد المنتجين العرب.
وسرد هاني المواقف التي تعرض لها بسبب الفيلم، وكان منهم إنشاء مُسَئلة في مجلس النواب بوقف عرض الفيلم، لاحتوائه على جملة “هاريها بوس”، واسترسل حديثه قائلًا: “اترفع عليا قضايا بسبب أبو العربي ومٌسَئلة في مجلس الشعب وطالبو بوقف عرض فيلم أبو العربي، أنا نفسي لما وقفت في المٌسَئلة قولتلهم أنا مش عارف واقف هنا بعمل إيه، بتسألوني عن إيه”.
وأضاف: “وتخيلوا إنه طلعلنا كدا من تحت الأرض حوالي 4 أو 5 أشخاص معترضين على الفيلم، وقدروا يوصلوها لوقف عرض الفيلم، ومٌسَئلة في مجلس الشعب، وكان المجلس مكتظ بالناس وعدد ملهوش أول ولا آخر”، والذي أنقذ هاني هو حديث أحد أعضاء مجلس النواب، حيث قال مستنكرًا: “ماشاء الله دا احنا لو جينا نناقش مشكلة رغيف العيش مفيش 100 نفر بيحضر، جيتوا تناقشوا فيلم بسيط كل أعضاء مجلس الشعب حضرت”.
هاني رمزي: قاعة مجلس النواب اتقلبت مسرح
وكشف عن سر الاعتراض على الفيلم، وقال: :كانوا معترضين على جملة هاريها بوس، وقفت وقولتلهم ليه ما تتبسش ليه، يعني هي غير باقي البنات في الدنيا وبعدين ليه رافض إن حبيبها يبوسها وقعدت أبوسها، وكانت الصالة قاعدة بتضحك، وقولتله مشكلة كبيرة لو حضرتك مبتبوسش، والحقيقة إن قاعة مجلس الشعب اتقلبت مسرح”.
وأضاف: “والحاجات اللي اعترضوا عليها بردو إننا وقفنا فوق قاعدة تمثال ديليسبس، وإن القاعدة مقدسة، قولتلهم إن القاعدة دي مقدسة أكتر من الأهرامات، معبد فيلة وحلاوة شمسنا وخفة دمنا، يعني مين اللي مقدس أكتر”.
فيروس كورونا يتسبب في إلغاء برنامج مقالب هاني رمزي رمضان 2020 (فيديو)
وقال مستهزأً بذلك الموقف: “مش أنتو يا بورسعيدية شيلتوا التمثال وقولتو لا يمثلنا انهارده بقيت مقدسة، وبعدين قولتلهم أنا شوفت ورا قاعدة دليسبس واحد قضى حاجته، اشمعنا أنتو مبتزعلوش من بعض، وحاجات كتير، أنا كنت مندهش جدا، والقضايا خسروها وكمل عرض الفيلم وكل حاجة”.
