الاثنين ٠٨ مارس ٢٠٢١

رئيس التحرير
محمود المملوك

فن

"مكنتش متخيل إني هكون أمير الغناء العربي".. أبرز تصريحات هاني شاكر مع لميس الحديدي

هاني شاكر

هاني شاكر

 

حل نقيب المهن الموسيقية، الفنان هاني شاكر، ضيفًا ببرنامج "كلمة أخيرة"، والذي تقدمه الإعلامية لميس الحديدي، على قناة ON يوم أمس.

وتحدث خلال اللقاء عن مشواره الفني وعلاقته بالنجوم الكبار، بجانب حديثه عن مطربي المهرجانات.

ونستعرض في السطور التالية أبرز تصريحات الفنان هاني شاكر مع لميس الحديدي: 

-  قلت لعبد الحليم حافظ أنا مستحيل أحاربك وعيني رغرغت وأنا بكلمه.

- عبد الحليم حافظ هو بيتي الفني من وأنا صغير.

- الأغاني اللي بتتعمل بسرعة بتتنسي بسرعة وبتفضل الأغاني اللي بتلمس المشاعر.

- أغنية "علي الضحكاية" مفيش حفلة بتعدي من غير ما أغنيها وهي علامة تجارية.

- الواحد عرف معنى نعمة الخروج والسفر بعد انتشار فيروس الكورونا والله السفر وحشني.

- حفلات الـonline صعبة أوي، ربنا يكون في عون فرق الكرة لما بتلعب من غير جمهور، صعب أفضل بغني وأنا باصص في كاميرا مش حاسس بتفاعل الجمهور.

- أنا حابب أستنى شوية قبل ما أخد لقاح فيروس كورونا.

- عجبتني أغنية "لقيت الطبطبة" لحسين الجسمي، وأغنيتين لعمرو دياب "يوم تلات" و"قدام مرايتها".

- 2020 ماكنتش من السنوات اللي فيها عطاء فني، نتيجة الظروف اللي مرينا بها.

-  أنا بشوف المهرجانات أقل من الغناء الشعبي، عشان كدة قلت لعمر وشاكوش وغيرهم، خلي في بالكم دايما الناس، هل يصح نقول خمور وحشيش في أغنية؟.

- مفيش مشكلة نسمع مهرجان لكن على الأقل يبقى في اهتمام بكل نوعية.

- كنت خايف من غناء "يا بخته"، لأن الأغنية جديدة عليا، عشان كدة كنت بحاول أقلد أحمد سعد، وأعرف أغني شعبي زيه.

- الأغاني الشعبي مش أقل من الغناء العادي احنا اتربينا على الغناء الشعبي.

-  سأساند مدحت العدل إذا ترشح لرئاسة الزمالك.

- عمري ما حسيت إن فيه منافس ليّا لا زمان ولا دلوقتي.

-  كان بيستفزني زمان أما ألاقي حد عمل أغنية ناجحة، ومش شرط يكون له نفس طبيعة صوتي أو يقوم بالغناء العاطفي.

- مكنتش متخيل أول مابدأت إني هبقى أمير الغناء العربي.

"هاني شاكر": "مينفعش الغناء الشعبي يكون واجهة مصر في هذه المرحلة"

هاني شاكر: أغاني المهرجانات تحمل ألفاظًا خارجة وهبوطًا في المعاني

وسوم هاني شاكر لميس الحديدي نادي الزمالك امير الغناء العربي

مواضيع متعلقة

عاجل التعليم تكشف طرق تقييم الطلاب من 4 ابتدائي حتى 2 إعدادي بجميع المدارس بالفصل الدراسي الثاني