صاحب منشور الزواج من صديقه: “كنت بهزر مع صاحبي ودعمنا البنات على سبيل المُزاح” (خاص)
كشف المهندس عمر مسعود، صاحب منشور إعلان الزواج من صديقه المثير للجدل، أن الأمر لا وجود له من الأساس، وأنه كان مجرد هزار، إلا أنه تسبب له في مشاكل الأمر الذي دفعه بحذفه والاعتذار.
وقال عمر، في تصريحات لـ”القاهرة 24″، “مفيش أي حاجة كل الموضوع كان هزار مع صاحبي، وبنهزر زي اتنين صحاب، نمنا وصحينا لقينا البوست اتاخد شير في أماكن كتير ولقينا بنتين عملو نفس البوست بنفس الكلام اللي مكتوب منعرفش ليه.. والموضوع مجرد ترول”.
أخيرًا هيجمعنا بيت واحد.. مصريتان تعلنان زواجهما رسميًا بعد موافقة أهليهما (صور)
وتابع الشاب: “لما لقيت البوست اتاخد شير كتير واكتر من حد ابتدا يتكلم مسحته”، مشيرًا إلى أن دعمه المنشور الفتاتان كان على سبيل الهزار، وأن معرفته بهم كانت بعد المنشور، حيث تواصلت معه إحدى الفتاتين، واعترفت له إنها على علاقة بصديقتها الأمر الذي دفعه لإلغاء الصداقة معها.
واختتم عمرو مسعود، حديثه: “أنا وصاحبي دا مش ناس مش الشارع أو صايعين أنا ف هندسة وهو هندسة وحافظين قران وناس محترمة، تخيل بقي دلوقتي نظرة الناس لنا بسبب خبر مش صح!”.