الخميس 28 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

محمود الليثي: مطربين المهرجانات اتظلموا.. وعزمت حمو بيكا وحسن شاكوش في بيتي

محمود الليثي
فن
محمود الليثي
السبت 01/يناير/2022 - 12:52 ص

تحدث الفنان محمود الليثي، عن قرار نقابة المهن الموسيقية بمنع 19 من مطربي المهرجانات الشعبية، مشيرًا إلى أن بعضهم لم يستحق المنع، بجانب الحديث عن الهضبة عمرو دياب.

وقال محمود الليثي خلال لقائه مع الإعلامية أسما إبراهيم في برنامج حبر سري: المهرجانات لون اتفرض علينا، ونجح وبرافو عليهم، وأنا مش ضد المهرجانات بس  ضد الكلمة الوحشة وأن حد يبوظلي عيالي.

 وواصل:  أنا جبت حمو بيكا وحسن شاكوش وعمر كمال في شقتي أول ما نجحوا،  وقولتلهم لازم نرتقي بالكلمة ونخلي بالنا وأنا عملت دة شكل مصر، وأغنية بنت الجيران كان فيها غلطة وهما اتأسفوا وسمعوا كلامي وأتظلموا بسبب قرار المنع.

وأضاف الليثي: مفيش حد بياخد رزق حد؛ لأن الرزق دا بتاع ربنا، مثلا عمرو دياب  بقاله ٤٠ سنة أسطورة ومتربع على عرش الأغنية العربية، ولما يجي في آخر 2021 يعمل أغنية أنت الحظ ويكسر العالم يبقى دا نجم النجوم وربنا بيحبه، ودا رزقه.

قرار منع مطربي المهرجانات
 

وكان نقيب المهن الموسيقية هاني شاكر، أصدر قرارًا بمنع 19 من مطربي المهرجانات الشعبية، منهم حمو بيكا، حسن شاكوش، كزبرة، أحمد قاسم، مسلم، مجدي شطة، وعمرو حاحا.

وقال هاني شاكر، إن السبب هو عدم اجتيازهم اختبارات النقابة، وبالتالي لم يحصلوا على تصريح للغناء على المسرح، موضحًا أن حمو بيكا تقدم مرتين للاختبار في نقابة المهن الموسيقية ورسب في المحاولتين، رغم دعم النقابة من خلال توفير مدرس له، ولكن حمو بيكا امتنع عن الحضور.

تابع مواقعنا