رئيس التحرير
محمود المملوك
أخبار
حوادث
رياضة
فن
سياسة
اقتصاد
دين وفتوي

مصطفى كامل: مجلس نقابة الموسيقيين كانوا معتبرين نفسهم أسياد وبيوقفوا مغني المهرجانات

مصطفى كامل
فن
مصطفى كامل
الجمعة 23/سبتمبر/2022 - 02:06 ص

علق الفنان مصطفى كامل، على أزمة مؤدي المهرجانات حمو بيكا، والذي زعم أنه يدفع ضعف المبلغ المقرر للنقابة للحصول على تصاريح لإقامة حفلاته. 

وقال مصطفى كامل، في حواره ببرنامج حبر سري، الذي تقدمه الإعلامية أسما إبراهيم، عبر شاشة قناة القاهرة والناس، عن دفع حمو بيكا ضعف المبلغ المقرر للحصول على تصاريح إقامة الحفلات، قائلًا: أنا أعلم أكتر من كده بكتير والله، ومش حمو بيكا بس، ده مش بيدفع الضعف ده بيتجاب الأولاد دول يتوقفوا مخصوص وأعضاء النقابة بيقولوا علشان إحنا الأسياد، وروح بقى اشتغل، ولو هتاخدوا 80 هناخد إحنا 40 ألف، وبعد ما ياخدوا الـ 40 ألف يتقال فين إيصال النقابة؟ ويقولوا لأ لازم تدفعوا.

 تفاصيل صادمة حول حصول مغني المهرجانات على تصريحات الحفلات

وتابع: ده إحنا لو في كوالالمبور مش هيحصل اللي حصل ده، ورب الكعبة أنا أتقالي أكتر وأبشع من كده، حمو بيكا فرد، وفيه من حمو بيكا كتير ومستنيين الباب يتفتح وأنا واثق في دولتي، إحنا في ظروف اقتصادية عالمية واخدة الأخضر واليابس مش إحنا بس كـ مصر في العالم كله، الشعب مش حمل إن يكون بيعاني ويبقى فيه حد بينهب.

وأضاف مصطفى كامل، إن المهرجانات الشعبية ظهرت أثناء فترة توليه منصب نقابة المهن الموسيقية، قائلًا: المهرجانات ظهرت في زمني أنا عن طريق أوكا وأورتيجا، واسألي من ورايا من بعد مصطفى كامل إيه اللي حصل، جمعت مغنين المهرجانات وقلت لهم أنا مبقطعش عيش حد، ولكن لن أسمحلك تبوظ الذوق العام، لإن فيه ابني وابنك، وفيه حاجات أقدر أعملها بشخصيتي.

تابع مواقعنا