دياب: وافقت على تحت الوصاية من قبل ما أسمع دوري.. وشخصيتي مش شريرة بالعمل
تحدث الفنان دياب عن مشاركته في مسلسل تحت الوصاية لـ الفنانة منى زكي، والذي حقق من خلاله نجاح كبير منذ بداية عرضخ في الماراثون الرمضاني 2023.
وقال دياب خلال ندوته في القاهرة 24، أنه وافق على المشاركة في مسلسل تحت الوصاية قبل معرفة تفاصيل دوره، موضحًا: أنا حالة قبولي للعمل ده كانت غير كل حالاتي في الأعمال قبل كده، وده العمل الوحيد في حياتي اللي قبلته من قبل ما أسمعه، لأن عوامل الجذب فيه عظيمة بالنسبة ليا.
وتابع: فكرة إن أستاذ محمد شاكر خضير مخرج مسلسل تحت الوصاية، يكلمني علشان أشتغل معاه مع نجمة كبيرة عظيمة زي منى زكي أتشرف وأي حد يتشرف يقف يمثل قدامها، دي كانت عناصر جذب بالنسبة ليا، أما بالنسبة للشخصية طالما استفزتني وهي بتتحكيلي ده كده المراد من العمل.
وأضاف دياب: شخصيتي في مسلسل تحت الوصاية مش شرير ومش طيب، هو بيقع تحت ضغط ممكن يقوم بأفعال شريرة ونندم عليها، والدراما 15 حلقة وعايزين الأحداث تبقى سريعة، بالتالي مش بنلحق نذكر تاريخ الشخصية، ولكن هو مش عايز يعمل أعمال شر.
أبطال مسلسل تحت الوصاية
ضم مسلسل تحت الوصاية عددًا كبيرًا من النجوم أبرزهم، منى زكي، مها نصار، أحمد خالد صالح، رشدي الشامي، علي صبحي، أحمد عبد الحميد، وعدد آخر من الفنانين، والمسلسل من تأليف خالد وشيرين دياب وإخراج محمد شاكر خضير.
